பூரண மதுவிலக்கு வேண்டும்.! சமத்துவ மக்கள் கட்சி தலைவர் சரத்குமார் உண்ணாவிரதம்.!

பூரண மதுவிலக்கை கோரி சமத்துவ மக்கள் கட்சி தலைவர் சரத்குமார் உண்ணாவிரதம் இருந்து வருகிறார். 

தமிழக்த்தில் பூரண மதுவிலக்கை அமல்படுத்த வேண்டும் என வலியுறுத்தி சென்னையில் சமத்துவ மக்கள் கட்சி தலைவர் சரத்குமார், தனது கட்சியினருடன் உண்ணாவிரதம் இருந்து வருகிறார்.

அப்போது அவர் பேசுகையில், போதைப்  பொருளானது தற்போது பள்ளி சிறுவர்களை சென்றடைவது மிக வருத்தமாக இருக்கிறது. நல்ல உடல் நலம் தான் நல்ல குடிமகனாக வாழ முடியும். இந்தியா மனித வளம் உள்ள நாடு. மனித வளத்தை நாம் பேணி பாதுகாக்க வேண்டும்.

மதுவிலக்கு என்ற வாக்குறுதியை நிறைவேற்றுவதற்கான சாத்திய கூறுகள்  இல்லை. டாஸ்மாஸ்கால் வரும் வருமானத்தை ஈடு செய்ய வேறுவழி நடவடிக்கைகளை முதலில் தமிழக அரசு உருவாக்க வேண்டும். என கோரிக்கை வைத்தார்.

மேலும், அமைச்சராக பொறுப்பேற்க உள்ள எம்எல்ஏ உதயநிதி ஸ்டாலினுக்கு நான் வாழ்த்து செய்தி அனுப்பினேன். மாண்டஸ் புயலின் போது தமிழ்நாடு அரசின் நடவடிக்கை மிக சிறப்பாக இருந்தது  நாடாளுமன்றத் தேர்தலுக்கு இன்னும் காலம் இருப்பதால் தற்போது கூட்டணி குறித்து எதுவும் முடிவு செய்யவில்லை.