சட்டத்தை தீர்மானம் கட்டுப்படுத்தாது- ஆர்.பி.உதயகுமார் பதில் ..!

இன்று தமிழக சட்டப்பேரவை கூட்டத்தொடர் நடைபெற்று வருகிறது. சட்டப்பேரவையில் திமுக தலைவர் மு.க ஸ்டாலின் தேசிய மக்கள்தொகை பதிவேட்டிற்கு எதிராக பேரவையில் தீர்மானம் நிறைவேற்ற என கோரிக்கை ஒன்றை விடுத்துள்ளார்.

பீகார் சட்டமன்றத்தில் என்.பி.ஆர்-க்கு எதிராக தீர்மானம் நிறைவேற்றப்பட்டுள்ளது என ஸ்டாலின் சுட்டிக்காட்டினார். வருகின்ற  ஏப்ரல் 1-ம் தேதி மக்கள்தொகை கணக்கெடுப்பு பணி தொடங்கும் நிலையில் மு.க ஸ்டாலின் இந்த கோரிக்கையை வைத்துள்ளார்.

மேலும் என்.பி.ஆர் தொடர்பாக தமிழக அரசு எழுதிய கடிதத்துக்கு, மத்திய அரசு பதிலளித்துள்ளதா..? என்ற கேள்வியும் எழுப்பினார்.  இதற்கு பதில் அளித்த ஆர்.பி.உதயகுமார் , என்.பி.ஆரில் உள்ள சந்தேகங்கள் குறித்து தமிழக அரசின் கடிதத்திற்கு, மத்திய அரசு இன்னும் பதிலளிக்கவில்லை என கூறினார்.

இதையெடுத்து  திமுக தலைவர் மு.க ஸ்டாலின் தேசிய மக்கள்தொகை பதிவேட்டிற்கு எதிராக பேரவையில் தீர்மானம் நிறைவேற்ற என கோரிக்கை வைத்ததற்கு பதிலளித்த ஆர்.பி.உதயகுமார் , நாடாளுமன்றத்தில் நிறைவேற்றிய சட்டத்திற்கு எதிராக தீர்மானம் போட்டால் அது சட்டத்தை கட்டுப்படுத்தாது என கூறினார்.

மேலும் மக்களை ஏமாற்றும் பொய்யான தீர்மானத்தை நாங்கள் போடவில்லை என ஆர்.பி.உதயகுமார்  கூறினார்.