Kushbhu tweet about Vote4INDIA [File Image]
Election2024 : பாஜக பிரமுகரும், தேசிய மகளிர் ஆணைய உறுப்பினருமான குஷ்பூ #Vote4INDIA என சமூக வலைதளத்தில் பதிவிட்டுள்ளார்.
நாடாளுமன்ற முதற்கட்ட தேர்தல் இன்று (ஏப்ரல் 19) காலை 7 மணிக்கு தொடங்கி தமிழகம் மற்றும் புதுச்சேரி உட்பட 21 மாநிலங்களில் 102 தொகுதிகளில் நடைபெற்று வருகிறது. இன்னும் 1 மணிநேரத்திற்கும் குறைவான நேரத்தில் வாக்குப்பதிவு நிறைவு பெற உள்ளதால், இதுவரையில் வாக்களிக்காதோர் வாக்குசாவடியை நோக்கி விரைந்துள்ளனர்.
பல்வேறு அரசியல், சினிமா பிரபலங்கள் வாக்களித்து அதனை சமூக வலைதளத்தில் பதிவிட்டு அனைவரும் வாக்களியுங்கள் என பதிவிட்டு விழிப்புணர்வு ஏற்படுத்தி வருகின்றனர். அதன்படி, பாஜக பிரமுகரும், தேசிய மகளிர் ஆணைய உறுப்பினருமான நடிகை குஷ்பூவும் தனது குடும்பத்துடன் சென்று வாக்களித்து அதனை சமூக வலைத்தளமான எக்ஸ் பக்கத்தில் பதிவிட்டார்.
அதில், #Vote4INDIA எனும் ஹேஸ்டேக்கை பதிவிட்டு இருந்தார். இதனால் பாஜக தொண்டர்கள் குழப்பமடைந்தனர். ஏனெனில், தேசிய அளவில் பாஜக தலைமையிலான கூட்டணிக்கு NDA எனும் தேசிய ஜனநாயக கூட்டணி என்றும், காங்கிரஸ், திமுக, ஆம் ஆத்மி, திரிணாமுல் காங்கிரஸ், கம்யூனிஸ்ட் கட்சிகள் உள்ளிட்ட கட்சிகள் ஒன்றிணைந்த கூட்டணிக்கு இந்தியா (I.N.D.I.A) என்ற பெயரும் வைக்கப்பட்டு இருந்தது.
காங்கிரஸ் தலைவர்கள், தொண்டர்கள், அதன் ஆதரவு கட்சியினர் என பலரும் #Vote4INDIA எனும் ஹேஸ்டேக்கை பயன்படுத்தி வரும் நிலையில், பாஜக பிரமுகர் குஷ்பூவின் இந்த பதிவு பாஜக கட்சியினரிடையே சலசலப்பை ஏற்படுத்தியுள்ளது.
சென்னை : இயக்குநர் சுகுமார், நடிகர் அல்லு அர்ஜூன் கூட்டணியில் உருவாகி இருக்கும் 'புஷ்பா 2' திரைப்படம் வரும் டிசம்பர்…
தருமபுரி : தவெக தலைவர் விஜய், 2026 தேர்தலில் தாம் போட்டியிட இருக்கும் தொகுதி குறித்து தீவிரமாக ஆலோசித்து வருகிறார்.…
சென்னை : மாலத்தீவு மற்றும் பூமத்திய ரேகையை ஒட்டிய இந்திய பெருங்கடல் பகுதிகள் முதல் தென்கிழக்கு அரபிக்கடல் பகுதிகள் வரை…
சென்னை : தெலுங்கு மக்கள் குறித்து அவதூறாக பேசிய வழக்கில், நடிகை கஸ்தூரியை வருகிற 29ஆம் தேதி வரை நீதிமன்றக்…
டெல்லி : ஆம் ஆத்மி கட்சியில் முக்கிய பொறுப்பில் இருந்த கைலாஷ் கெலாட் தனது அமைச்சர் பதவி மற்றும் ஆம்…
சான் பிரான்சிஸ்கோ : உலக பணக்காரர்களில் முதன்மையானவர்களாக இருக்கும் எலான் மஸ்க், தனது ஸ்பேஸ் எக்ஸ் நிறுவனத்தின் ஸ்டார்ஷிப் மூலம்…
