சட்டமன்ற உறுப்பினர் கருணாஸுக்கு திடீர் நெஞ்சுவலி …!தீவிர சிகிச்சை பிரிவில் கருணாஸ் அனுமதி…!

சென்னை வடபழனி தனியார் மருத்துவமனையில் சட்டமன்ற உறுப்பினர் கருணாஸ் உடல்நலக்குறைவால் அனுமதிக்கப்பட்டுள்ளார்.
தமிழக முதல்வர் மற்றும் காவல்துறையை சர்ச்சைக்குரிய கருத்து தெரிவித்தாற்காக செப்டம்பர் 23 ஆம் தேதி அதிகாலை அதிரடியாக கைது செய்யப்பட்டார் சட்டமன்ற உறுப்பினர் கருணாஸ்.

கடந்த செப்டம்பர் 28 ஆம் தேதி கருணாஸுக்கு நிபந்தனை ஜாமின் வழங்கியது சென்னை எழும்பூர் நீதிமன்றம் .தமிழக முதல்வர் மற்றும் காவல்துறையை சர்ச்சைக்குரிய கருத்து தெரிவித்த வழக்கில் அவருக்கு ஜாமின் வழங்கியது சென்னை எழும்பூர் நீதிமன்றம்.

வேலூர் மத்திய சிறையிலிருந்து கருணாஸ் விடுதலை செய்யப்பட்டார். 2 வழக்குகளில் நிபந்தனை ஜாமின் கிடைத்ததையடுத்து கருணாஸ் விடுதலை செய்யப்பட்டார்.மேலும் திருவல்லிக்கேணி காவல்நிலையத்தில் 30 நாட்களுக்கு நாள்தோறும் ஆஜராகி கையெழுத்திட நிபந்தனை விதிக்கப்பட்டது.
இந்நிலையில் தற்போது  நெஞ்சுவலி காரணமாக சென்னை  வடபழனியில் உள்ள தனியார் மருத்துவமனையில் சட்டமன்ற உறுப்பினர் கருணாஸ் அனுமதிக்கப்பட்டுள்ளார். அதிகாலை கைது செய்ய கருணாஸ் வீட்டிற்கு நெல்லை போலீசார் வந்த நிலையில், மருத்துவமனையில் அனுமதிக்கப்பட்டுள்ளார்.நெல்லை காவல் துணை காண்காணிப்பாளர் ஜெயக்குமார் தலைமையில் 30-க்கும் மேற்பட்ட தனிப்படை போலீசார் சென்னையில் முகாமிட்டுள்ளனர் என்பது குறிப்பிடத்தக்கது.
மேலும்  தீவிர சிகிச்சை பிரிவில் கருணாஸ் சிகிச்சை பெற்று வருவதாக தகவல் வெளியாகியுள்ளது.