கொரோனா தொற்றிலிருந்து மீண்டு வீடு திரும்பிய கருணாஸ்.!

நடிகர் மற்றும் எம்எல்ஏ கருணாஸ் அவர்கள் கொரோனா தொற்றிலிருந்து மீண்டு வீடு திரும்பியுள்ளார்.

நடிகரும், திருவாடனை தொகுதி எம்எல்ஏ – மான கருணாஸ் அவர்களுக்கு சமீபத்தில் கொரோனா தொற்று உறுதி செய்யப்பட்டது. அதனையடுத்து சென்னை கிங்க்ஸ் மருத்துவமனையில் அனுமதிக்கப்பட்டு சிகிச்சை பெற்று வந்தார்.அந்த வகையில் 10 நாட்கள் சிகிச்சைக்கு பிறகு கருணாஸ் கொரோனாவிலிருந்து பூரணமாக குணமடைந்து தற்போது வீடு திரும்பியுள்ளார்.

இதனையடுத்து வீடு திரும்பிய கருணாஸ் தனக்கு உதவியவர்களுக்கு நன்றியை தெரிவித்து அறிக்கை ஒன்றை வெளியிட்டுள்ளார். அதில் தன்னை கொரோனாவிலிருந்து மீள உதவிய மருத்துவர்கள், செவிலியர்கள், உடல்நிலை குறித்து விசாரித்த முதலமைச்சர், மத்திய சுகாதாரத் துறை மந்திரி, மாநில சுகாதார துறை அமைச்சர், மற்றும் தான் மீண்டு வர பிரார்த்தனை செய்த தனது தொகுதி மக்கள் மற்றும் அனைத்து தமிழ் உறவுகளுக்கும் நன்றி என்று தெரிவித்துள்ளார்.