நடுத்தர குடும்பங்களில் வலியறிந்து வியாபாரம் வளர்த்தவர் வசந்தகுமார்.! கமல் புகழஞ்சலி.!

நடுத்தரக் குடும்பங்களின் வலியறிந்து, வியாபாரத்தை வளர்த்தவர். தன்னுடைய வளர்ச்சியோடு தன்னை சுற்றியிருந்தோரையும் முன்னேற்றியவர் திரு.வசந்தகுமார். – கமல்ஹாசன்.

கன்னியாகுமரி காங்கிரஸ் எம்பியும், வசந்த் & கோ நிறுவனருமான வசந்தகுமார் இன்று காலமானார். இவர் கொரோனா பாதிக்கப்பட்டு, சென்னையில் உள்ள தனியார் மருத்துவமனையில் சிகிச்சை பெற்று வந்திருந்தார். சிகிச்சை பலனின்றி இன்று உயிரிழந்தார்.

இவரது இறப்புக்கு பல்வேறு அரசியல் கட்சியினர் இரங்கல் தெரிவித்து வருகின்றனர். இந்நிலையில், மக்கள் நீதி மய்ய கட்சி தலைவர் கமல்ஹாசன் தனது டிவிட்டர் பக்கத்தில், திரு.வசந்தகுமாருக்கு இரங்கலை பதிவு செய்துள்ளார்.

அதில், ‘ நடுத்தரக் குடும்பங்களின் வலியறிந்து, வியாபாரத்தை வளர்த்தவர். தன்னுடைய வளர்ச்சியோடு தன்னை சுற்றியிருந்தோரையும் முன்னேற்றியவர். அரசியலிலும் கறை படியாது வாழ்ந்து, மறைந்த திரு. வசந்தகுமார் அவர்களின் மறைவு தமிழகத்திற்கே இழப்பு.’ என பதிவிட்டுள்ளார்.