அறுவை சிகிச்சை முடிந்து வீடு திரும்பினார் உலகநாயகன்!

உலகநாயகன் கமல்ஹாசனுக்கு சில வருடங்களுக்கு முன்னர் பட ஷூட்டிங்கின் போது காலில் அடிபட்டது. அதற்காக கமல்ஹாசன் காலில் சிறிய உலோக துண்டு வைத்து அறுவை சிகிச்சை செய்யப்பட்டிருந்தது.
அந்த சிறிய உலோக துண்டை கடந்த மாதம் 22ஆம் தேதி சென்னையில் அப்பல்லோ மருத்துவமனையில் அறுவை சிகிச்சை மூலம் அகற்றிக்கொண்டார். இந்த அறுவை சிகிச்சை முடிந்த பின்னர், மருத்துவமனையில் ஓய்வில் இருந்தார்.
மருத்துவமனை ஓய்வை அடுத்து, நேற்று மாலை வீட்டிற்கு திரும்பினார். இதனை தொடர்ந்து தனது கட்சி நிர்வாகிகளை சந்தித்தார்.
கமல்ஹாசன் நடிப்பில் அடுத்ததாக இந்தியன் 2 திரைப்படம் வெளியாக உள்ளது. இந்த படத்தை ஷங்கர் இயக்கி வருகிறார்.