#ELECTIONBREAKING: பாஜக, காங்கிரஸை எதிர்க்கும் கமல்.. கோவை தெற்கில் போட்டி..!

கோவை தெற்கு தொகுதியில் மக்கள் நீதி மய்யத்தின் தலைவர் கமல்ஹாசன் போட்டியிடவுள்ளதாக அறிவித்துள்ளார். 

மக்கள் நீதி மய்யம் சார்பில் சட்டமன்ற தேர்தலில் போட்டியிடும் வேட்பாளர் பட்டியல் வெளியிடப்பட்டு வருகின்றது. ஏற்கனவே முதற் கட்ட வேட்பாளர் பட்டியல் வெளியான நிலையில், இன்று 2-ம் கட்ட வேட்பாளர் பட்டியல் வெளியிட்டப்பட்டுள்ளது.

அதில், கோவை தெற்கு தொகுதியில் மக்கள் நீதி மய்யத்தின் தலைவர் கமல்ஹாசன் போட்டியிடவுள்ளதாக அறிவிக்கப்பட்டுள்ளது. கொங்கு செழித்தால் எங்கும் செழிக்கும் என்பது பழமொழி; ஆனால் ஊழல் கோட்டையாக இருக்கும் கொங்குவை மாற்ற நான் போட்டியிடுகிறேன் என தெரிவித்தார்.

கோவை தெற்கு தொகுதியில் பாஜக, காங்கிரஸ் ஆகிய தேசிய கட்சிகளின் வேட்பாளர்களுக்கு எதிராக கமல்ஹாசன் போட்டியிடுகிறார். கோவை தெற்கு தொகுதியில் திமுக, அதிமுக போட்டியிடவில்லை. இங்கு பாஜக, காங்கிரஸ் ,நாம் தமிழர் மற்றும் அமமுக ஆகிய கட்சிகள் போட்டியிடுகின்றனர்.

கோவை தெற்கு தொகுதியில் பாஜக, காங்கிரஸ் சார்பில் போட்டியிடும் வேட்பாளர் யார்..? என்று இன்னும் அறிவிக்கவில்லை என்பது குறிப்பிடத்தக்கது.