கஜா புயல்…!தமிழக அரசுக்கு நன்றி தெரிவித்த கமல்ஹாசன்…!

மக்கள் நீதிமய்யம் தலைவர் கமல்ஹாசன்   தமிழக அரசுக்கு நன்றி தெரிவித்துள்ளார்.

தமிழகத்தை இரவோடு இரவாக அடித்து நொறுக்கி கரையை கடந்த கஜா போகும் பொழுது தமிழகத்தில் உள்ள 6 மாவட்டங்களில் பலத்த சேதத்தை ஏற்படுத்தியது.இருந்தாலும் தமிழக அரசின் முன்னெச்சரிக்கை நடவடிக்கையால் பல்வேறு சேதங்கள் தவிர்க்கப்பட்டு வருகிறது.இதை அனைத்து தரப்பினரும் பாராட்டி வருகின்றனர்.

இந்நிலையில் இதேபோல் மக்கள் நீதிமய்யம் தலைவர் கமல்ஹாசனும் பாராட்டியுள்ளார்.அவர் கூறுகையில், இதற்கு முன் நாம் கடந்து வந்த பேரிடர் காலங்களில் கிடைத்த கசப்பான அனுபவங்களை முன்னுதாரணமாகக் கொண்டு, தற்பொழுது கஜா புயலின் தாக்குதலை மிகவும் முன்னெச்செரிக்கையுடன் கையாண்ட தமிழக அரசுக்கு நன்றி. பாதிக்கப்பட்ட மாவட்டங்களின் ஆட்சியர்களின் அயராத பணி போற்றத்தக்கது என்று தெரிவித்துள்ளார்.