#JuNow: குரூப்-2, குரூப்-4 தேர்வு முடிவுகள் எப்போது? – டிஎன்பிஎஸ்சி அறிவிப்பு

குரூப்-2, 2ஏ மற்றும் குரூப்-4 தேர்வு முடிவுகள் எப்போது வெளியிடப்படும் என்று தமிழ்நாடு அரசு பணியாளர் தேர்வாணையம் அறிவிப்பு.

தமிழக அரசின் அமைச்சகங்கள் மற்றும் பல்வேறு துறைகளில் காலியாக உள்ள 5,413 காலி பணியிடங்களுக்கான குரூப் 2/2ஏ முதல்நிலை தேர்வு டந்த மே மாதம் 21ம் தேதி நடத்தியிருந்தது. இதுபோன்று 7,138 குரூப் 4 காலி பணியிடங்களுக்கான எழுத்துத் தேர்வு கடந்த மாதம் ஜுலை 24ம் தேதி நடைபெற்றது. இந்த சமயத்தில், குரூப் 2/2ஏ முதல்நிலை எழுத்துத் தேர்வு முடிவுற்று மூன்று மாதங்கள் கடந்த நிலையில், தேர்வு முடிவுகள் குறித்த எந்தவித அதிகாரப்பூர்வ அறிவிப்பும் வெளியிடப்படவில்லை. இதனால், தேர்வெழுதிய லட்சக்கணக்கான மன உளைச்சலில் இருந்து வந்தனர்.

இந்த சூழலில், குரூப் 2, 2ஏ முதல்நிலை எழுத்துத் தேர்வு முடிவுகள் இம்மாத இறுதிக்குள் வெளியிடப்படும் என்றும் குரூப் 4 எழுத்துத் தேர்வுக்கான முடிவுகள் அக்டோபர் மாதத்தில் வெளியிடப்படும் எனவும் தகவல் வெளியாகியிருந்தது. ஆனால், அதற்கான அதிகாரப்பூர்வ அறிவிப்பு வெளியாகவில்லை. இந்த நிலையில், குரூப் – 2, 2ஏ முதல்நிலை தேர்வு முடிவுகள் அடுத்த மாதம் வெளியாகும் என டிஎன்பிஎஸ்சி அறிவித்துள்ளது. இதுபோன்று குரூப் 4 தேர்வு முடிவுகள் டிசம்பரில் வெளியிடப்படும் என்றும் தமிழ்நாடு அரசு பணியாளர் தேர்வாணையம் அறிவித்துள்ளது.