ஜெயலலிதா மரணம் தொடர்பாக ஜெயா டிவி சி.இ.ஓ விவேக் ஜெயராமன் மீண்டும் ஆஜர்!

ஜெயா டிவி சி.இ.ஓ விவேக் ஜெயராமன் ஜெயலலிதா மரணம் தொடர்பாக விசாரிக்கும், நீதிபதி ஆறுமுகசாமி ஆணையத்தில்,  இரண்டாவது முறையாக ஆஜராகியுள்ளார்.

ஏற்கனவே கடந்த மாதம் 13ஆம் தேதி விவேக் ஜெயராமன் ஆஜரானார். அன்றைய தினம் 4 மணி நேரம் விசாரணை நடைபெற்றது. சிறுவயதில் இருந்து போயஸ் கார்டனில் வளர்ந்தவர் என்பதால், ஜெயலலிதாவின் உடல்நிலை, அவருக்கு வழங்கப்பட்ட சிகிச்சை உட்பட பல்வேறு கேள்விகள் முன்வைக்கப்பட்டன.

மீண்டும் ஆஜராகுமாறு விவேக் ஜெயராமனுக்கு சம்மன் அனுப்பப்பட்டது. இதனைத் தொடர்ந்து,  இன்று காலை 10.15 மணிக்கு, நீதிபதி ஆறுமுகசாமி தலைமையிலான விசாரணை ஆணையத்தில், ஜெயா டிவி சி.இ.ஓ விவேக் ஜெயராமன் ஆஜரானார்.

அவரிடம், நீதிபதி ஆறுமுகசாமி விசாரணை நடத்தி வருகிறார். முன்னாள் முதலமைச்சர் ஜெயலலிதா மரணம் தொடர்பாக விசாரிக்கும் ஆணையத்தில், இதுவரைக்கு 35க்கும் மேற்பட்டோர் ஆஜராகியுள்ளனர்.

மேலும் செய்திகளுக்கு தினச்சுவடுடன் இணைந்திருங்கள்.