2024 மக்களவை தேர்தலில் திருமாவளவன் டெபாசிட் வாங்குவதே கடினம் தான் – அண்ணாமலை

கூட்டணிக் கட்சி விவகாரத்தில் பாஜக தலையிடுவதாக திருமாவளவன் சொல்வது தவறானது என அண்ணாமலை பேட்டி. 

நேற்று செய்தியாளர்களுக்கு பேட்டியளித்த பாஜக தலைவர் அண்ணாமலை திருமாவளவன் அவர்கள் திமுக கூட்டணியில் இருந்து வெளியில் வருவதற்கான ஒரு காரணத்தை தேடுகிறார். கூட்டணியில் இருந்து வெளியில் வருவதாக இருந்தால் தைரியமாக வரலாம் சாக்குபோக்கு சொல்வது ஏன் என தெரியவில்லை என தெரிவித்திருந்தார்.

திருமாவளவன் பேட்டி 

இந்த நிலையில், இன்று செய்தியாளர்களுக்கு பேட்டியளித்த திருமாவளவன் அவர்கள் எந்த நிலையிலும் திமுகவுக்கும் விசிக-வுக்கும் இடையே எவராலும் இடைவெளி ஏற்படுத்த முடியாது. கொள்கை தெளிவு உள்ள எங்களால் முரண்களை எப்படி கையாள வேண்டும் வேண்டாம் என்பது பற்றி தெரியும் என தெரிவித்திருந்தார்.

அண்ணாமலை பேட்டி 

இதனை தொடர்ந்து தற்போது திருச்சியில் செய்தியாளர்களுக்கு பேட்டி இடத்தில் அண்ணாமலை, திமுக கூட்டணியை விட்டு வெளியே வர வேண்டும் என்று திருமாவளவன் முடிவு செய்துவிட்டார்; அவர் தைரியமாக வெளியே வரட்டும்.

2024 மக்களவை தேர்தலில் திருமாவளவன் டெபாசிட் வாங்குவதே கடினம் தான்; விசிக தலைவர் மாறி மாறி பேசி வருகிறார். கூட்டணிக் கட்சி விவகாரத்தில் பாஜக தலையிடுவதாக திருமாவளவன் சொல்வது தவறானது; பிற கட்சி விவகாரங்களில் பாஜக எப்போதும் தலையிடாது. விசிகவின் கோட்டையாக சொல்லப்படும் கடலூர் மாவட்டத்திலேயே பாஜக நன்றாக வளர்ந்து வருகிறது என டெஹ்ரிவித்துள்ளார்.