#Breaking: டிச.7 ஆம் தேதி அதிமுக ஒருங்கிணைப்பாளர்&இணை ஒருங்கிணைப்பாளர் தேர்தல்!

அதிமுக ஒருங்கிணைப்பாளர் தேர்தல் டிச. 7 ஆம் தேதியன்று  நடைபெறும் என்று அறிவிக்கப்பட்டுள்ளது.

அதிமுகவின் செயற்குழு கூட்டம் நேற்று நடைபெற்றது.இந்த கூட்டத்தில், கட்சியின் சட்ட விதிகளில் திருத்தம் மற்றும் 11 முக்கிய தீர்மானங்கள் நிறைவேற்றப்பட்டது.

இந்நிலையில்,அதிமுக ஒருங்கிணைப்பாளர் மற்றும் இணை ஒருங்கிணைப்பாளர் தேர்தல் வருகின்ற டிசம்பர் 7 ஆம் தேதியன்று நடைபெறும் என்றும்,8 ஆம் தேதியன்று அதன் முடிவு அறிவிக்கப்படும் என்றும் அதிமுக தலைமைக் கழகத்தால் அறிவிக்கப்பட்டுள்ளது.

மேலும்,வேட்புமனு தாக்கல் டிச.3 ஆம் தேதி தொடங்கி 4 ஆம் தேதி வரை நடைபெறும் என்றும் தெரிவிக்கப்பட்டுள்ளது.

இது தொடர்பாக,வெளியிடப்பட்டுள்ள அறிவிப்பில் கூறப்பட்டுள்ளதாவது:

“பிரிவு – 2ன்படி “கழக அமைப்புகளின் பொதுத் தேர்தல் ஐந்து ஆண்டுகளுக்கு ஒருமுறை நடத்திட வேண்டும்” என்ற விதிமுறைக்கேற்ப, கழக ஒருங்கிணைப்பாளர், கழக இணை ஒருங்கிணைப்பாளர் தேர்தல் கீழ்க்கண்ட அட்டவணைப்படி நடைபெற உள்ளது.

தேர்தல் ஆணையாளர்கள்:

• திரு. C. பொன்னையன் அவர்கள் கழக அமைப்புச் செயலாளர் முன்னாள் அமைச்சர்.
• முனைவர் பொள்ளாச்சி V. ஜெயராமன், M.L.A., அவர்கள் கழக தேர்தல் பிரிவுச் செயலாளர் முன்னாள் அமைச்சர்.

வேட்பு மனு தாக்கல்:

3.12.2021 வெள்ளிக் கிழமை முதல் 4.12.2021 சனிக் கிழமை (காலை 10 மணி முதல் பிற்பகல் 3 மணி வரை).

வேட்பு மனு பரிசீலனை:

5.12.2021- ஞாயிற்றுக் கிழமை காலை 11.25 மணி

வேட்பு மனு திரும்பப் பெறுதல்

6.12.2021 திங்கட் கிழமை மாலை 4 மணி வரை.

தேர்தல் நாள்:

7.12.2021- செவ்வாய்க் கிழமை காலை 10 மணி முதல் மாலை 5 மணி வரை

வாக்கு எண்ணிக்கை மற்றும் தேர்தல் முடிவு அறிவிப்பு

8.12.2021 புதன் கிழமை காலை 10 மணி முதல் மாலை 5 மணி வரை’,என தெரிவிக்கப்பட்டுள்ளது.