பில் இருக்கிறதா? இல்லையா? – அமைச்சர் செந்தில் பாலாஜி ட்வீட்!

மாநில பாஜக தலைவர் அண்ணாமலையின் கை கடிகாரம் குறித்து அமைச்சர் செந்தில் பாலாஜி ட்வீட்.

தமிழக பாஜக தலைவர் அண்ணாமலையின் ரூ.5 லட்சம் மதிப்பு என்று கூறப்படும் கை கடிகாரம் குறித்து பல்வேறு விமர்சனங்கள் முன்வைக்கப்பட்டு வருகிறது. அந்த கடிகாரத்தின் ரசீது கேட்டு திமுகவினர் விமர்சித்து வருகின்றனர். அந்தவகையில், மாநில பாஜக தலைவர் அண்ணாமலை தான் வாங்கிய கை கடிகாரத்திற்கான ரசீதை வெளியிட வேண்டும் என அமைச்சர் செந்தில் பாலாஜி நேற்று தெரிவித்திருந்தார்.

எந்த கடையில் வாங்கப்பட்டது, என்ன விலைக்கு வாங்கப்பட்டது என வங்கி விவரம் அல்லது ரசீது போன்ற விவரத்தை வெளியிட வேண்டும். கை கடிகாரம் யார்கிட்டையோ வெகுமதி வாங்குனது, இதனால் தான் கை கடிகாரம் வாங்கிய ரசீதை அண்ணாமலையால் வெளியிட முடியவில்லை என்றும் விமர்சித்திருந்தார்.

இந்த நிலையில், அமைச்சர் செந்தில் பாலாஜி அவரது ட்விட்டர் பக்க பதிவில், பில் இருக்கிறதா? இல்லையா என்று ஒரே ஒரு கேள்விதான் கேட்கிறோம். இதற்கு ஆம்/இல்லை என்பதுதானே பதிலாக இருக்க முடியும்? கேள்வி எழுப்பியுள்ள அமைச்சர், ஏப்ரலில் பட்டியல் வரும்…மே மாதம் வெய்யில் அடிக்கும் என்று எல்லாம் அளப்பதைப் பார்த்தால் ‘அன்னைக்கு காலையில் 6 மணி இருக்கும்…கோழி கொக்கரக்கோன்னு…’ என்பது போலவே இருக்கிறது என சினிமா பாணியில் விமர்சித்துள்ளார்.