எதையும் அரசியலாக்கிக் குளிர்காய்வதுதான் பி.ஜே.பி.யின் வேலையா? – ஆசிரியர் கீ.வீரமணி

செயல்தான் முக்கியம் – பேச்சல்ல – ஆத்திர அரசியல்வாதிகளே புரிந்துகொள்வீர் என ஆசிரியர் கீ.வீரமணி ட்வீட். 

கடந்த சில நாட்களுக்கு முன்னதாக கோவை உக்கடம் பகுதியில் கார் சிலிண்டர் வெடித்து விபத்து ஏற்பட்டது. இதில் ஜமேஷ் முபின் என்பவர் உடல் கருகி உயிரிழந்தார். இந்த சம்பவத்தை அடுத்து காவல்துறையினர் மேற்கொண்ட விசாரணையில் முபின் வீட்டில் இருந்து சுமார் 76 கிலோ வேதிப்பொருட்கள் கைப்பற்றபட்டன. மேலும் இந்த சம்பவம் தொடர்பாக இதுவரை 6 பேர் கைது செய்யப்பட்டுள்ளனர்.

இந்த நிலையில், இந்த சம்பவம் தொடர்பாக பாஜக தரப்பில் பல்வேறு கருத்துக்கள் தெரிவிக்கப்பட்டு வரும் நிலையில், ஆசிரியர் கீ.வீரமணி தனது ட்விட்டர் பக்கத்தில், ‘கோவை வன்முறை கண்டனத்துக்குரியதே! ஜாதி மதக் கண்ணோட்டப் பார்வையின்றி பிரச்சினையின் அடிப்படையில் முதலமைச்சர் துரிதமாக செயல்படுகிறார்; எதையும் அரசியலாக்கிக் குளிர்காய்வதுதான் பி.ஜே.பி.யின் வேலையா? செயல்தான் முக்கியம் – பேச்சல்ல – ஆத்திர அரசியல்வாதிகளே புரிந்துகொள்வீர்!’ என பதிவிட்டுள்ளார்.