IPL 2018: சென்னை சேப்பாக்கம் மைதானத்தில் பலத்த போலீஸ் பாதுகாப்பு…!ஐபிஎல் போட்டியில் பாதுகாப்புப் பணியில் 2000 போலீசார்….!

2000 போலீசார் சென்னையில் நடைபெற உள்ள ஐபிஎல் போட்டிக்கு  பாதுகாப்புப் பணியில் ஈடுபடவுள்ளனர்.

நாளை சென்னை சேப்பாக்கம் எம்.ஏ சிதம்பரம் மைதானத்தில் நடைபெறும் சென்னை-கொல்கத்தா இடையிலான ஐபிஎல் கிரிக்கெட் போட்டிக்கு சென்னை பெருநகர் காவல் ஆணையர் விசுவநாதன் தலைமையில் பாதுகாப்புப் பணிகள் ஏற்பாடுசெய்யப்பட்டுள்ளது.

பாதுகாப்பு பணியில் எம்சி சாரங்கன், இணை ஆணையாளர்கள், 13 காவல் துணை ஆணையாளர்கள், 7 கூடுதல் துணை ஆணையாளர்கள், 29 உதவி ஆணையாளர்கள், 100 காவல் ஆய்வாளர்கள் உட்பட சுமார் 2000 காவலர்கள் பாதுகாப்பு பணியில் ஈடுபடுத்தப்படவுள்ளனர்.

கமாண்டோ படையின் ஒரு அணியும், சென்னை காவல் ஆயுதப்படையைச் சேர்ந்த அதி தீவிர படையின் நான்கு குழுக்கழும் பாதுகாப்புப் பணியில் ஈடுபடுகின்றனர்.

கிரிக்கெட் போட்டியை முன்னிட்டு மைதானத்தின் உள்ளேயும் மைதானத்தை சுற்றியுள்ள பகுதிகளிலும் காவல் அதிகாரிகளைக் கொண்டு பலத்த பாதுகாப்பு ஏற்பாடுகள் செய்யப்பட்டுள்ளது. இது தவிர போக்குவரத்து வாகனங்கள் நெரிசலின்றி சீராக செல்ல, ரசிகர்கள் வாகனங்களை நிறுத்த போக்குவரத்து கூடுதல் ஆணையர் அருண் தலைமையில் போக்குவரத்து காவல் அதிகாரிகள் ஈடுபடுத்தப்படுகின்றனர்.

மேலும், சேப்பாக்கம் பெல்ஸ் சாலை வாலாஜாசாலை விக்டோரியா ஹாஸ்டல் ஆகியவை நாலை மாலை 6 மணிக்கு மூடப்படும் என்றும், சாலை மூடப்பட்டபின் இருசக்கர வாகனங்கள் கூட செல்ல முடியாது என்று தெரிவிக்கப்பட்டுள்ளது.

போட்டியை காணவரும் ரசிகர்கள் பலத்த சோதனைகளுக்குப் பிறகே மைதானத்திற்குள் செல்ல அனுமதிக்கப்படுவார்கள் என்று தெரிவிக்கப்பட்டுள்ளது.

மேலும் செய்திகளுக்கு தினச்சுவடுடன் இணைந்திருங்கள்.