IPL 2018: ஐபிஎல் போட்டி நடைபெற்றால் கிரிக்கெட் வீரர்களை சிறைபிடிப்போம் …!வீரர்களை மிரட்டும் அன்சாரி …!

சென்னையில் ஏப்.10இல் ஐபிஎல் போட்டி நடைபெற்றால் கிரிக்கெட் வீரர்களை சிறைபிடிப்போம் என்று  மனிதநேய ஜனநாயக கட்சி தலைவர் தமிமுன் அன்சாரி தெரிவித்துள்ளார்.

வரும் 7-ம் தேதி ஐபிஎல் போட்டிகள் தொடங்கப்படவுள்ளன. முதல் போட்டியில் மும்பை இந்தியன்ஸ் அணியை சென்னை சூப்பர் கிங்ஸ் வீரர்கள் எதிர் கொள்கின்றனர்.சென்னை சூப்பர் கிங்ஸ் அணி வீரர்களும் திறந்த பேருந்தில் சென்னையை சுற்றிப்பார்த்து ரசிகர்கள் மத்தியில் பெரும் எதிர்பார்ப்பை ஏற்படுத்தி வருகின்றனர். இது மட்டுமல்லாமல் ஹர்பஜன் சிங் மற்றும் இம்ரான் தாஹிர் போன்ற வீரர்கள் தங்களது ட்விட்டர் பக்கங்களிலும் தமிழிலேயே ட்வீட் போட்டு மாஸ் காட்டி வருகின்றனர்.

இந்நிலையில் சென்னையில் ஏப்.10இல் ஐபிஎல் போட்டி நடைபெற்றால் கிரிக்கெட் வீரர்களை சிறைபிடிப்போம் என்று மனிதநேய ஜனநாயக கட்சி தலைவர்  தமிமுன் அன்சாரி தெரிவித்தார்.நாளை நடக்கவிருக்கும் திமுகவின் முழு அடைப்பு போராட்டத்திற்கு மனிதநேய ஜனநாயக கட்சி ஆதரவு என்றும் தமிழகத்தை புறக்கணிக்கும் பாஜக, வரும் நாடாளுமன்ற தேர்தலில் 39 தொகுதிகளிலும் நோட்டாவை விட குறைவான வாக்குகள் பெற்று தோல்வியுடையும் மனிதநேய ஜனநாயக கட்சி தலைவர்  தமிமுன் அன்சாரி தெரிவித்தார்.

மேலும் செய்திகளுக்கு தினச்சுவடுடன் இணைந்திருங்கள்.