இன்ஸ்டாகிராம் காதலனுக்காக 16 வயது சிறுமி செய்த விபரீத செயல்.! 60 பவுன் நகை மாயம்.!

தனது இன்ஸ்டாகிராம் காதலனுக்காக மதுரையை சேர்ந்த 16வயது சிறுமி வீட்டில் இருந்த 60 பவுன் நகைகளை திருடி கொடுத்துள்ளர்.

தற்போது இணையதள மோகம் என்பது வயது வித்தியாசம் பாராமல் அதிகரித்து விட்டது. முதலில் இளைஞர்கள் தான் அதிகம் ஸ்மார்ட் போன் உபயோகிக்கின்றனர் என கூறி வந்தனர். ஆனால் இப்பொது அப்படி கூற முடியாது.

அதனால் பல நேரங்களில் வயது வித்தியாசம் இல்லாமல் சில தவறுகள் நடந்துவிடுகிறது. அப்படி தான் தற்போது மதுரையில் ஓர் அதிர்ச்சி சம்பவம் நிகழ்ந்துள்ளது.

மதுரையை சேர்ந்த ஓர் 16 வயது சிறுமி ஒருவர் இன்ஸ்டாகிராமில் ஒரு 22 வயது வயது இளைஞருடன் பழகி வந்துள்ளார். இந்த பழக்கத்தின் அடிப்படையில் அடிக்கடி அந்த சிறுமியிடம் இந்த இளைஞன் நகை கேட்டுள்ளான்,

இந்த சிறுமியும் வீட்டில் இருந்த நகைகளை கொஞ்சம் கொஞ்சமாக வீட்டில் யாருக்கும் தெரியாமல் திருடி, அந்த இளைஞனுக்கு கொடுத்துள்ளார். திடீரென வீட்டு பீரோவை பார்த்த குடும்பத்தார்க்கு அதிர்ச்சி. போலீசில் புகார் கொடுத்து பின்னர் விசாரிக்கையில், இந்த சிறுமி தான் தன்னுடைய காதலனுக்காக வீட்டில் இருந்த 60 பவுன் நகையை கொஞ்சம் கொஞ்சமாக திருடியது தெரியவந்துள்ளது. இந்த நகையை விற்று அந்த இளைஞன் சொகுசு வாழ்க்கை வாழ்ந்து வந்துள்ளான்.