சூரப்பா மீதான விசாரணை – 10 நாள் அவகாசம்..!

• சுரப்பா மீதான இறுதிக்கட்ட விசாரணை அறிக்கையை சமர்ப்பிக்க 10 நாட்கள் ஓய்வு பெற்ற நீதிபதி கலையரசன் தலைமையிலான குழு அவகாசம் கேட்டனர்.
• 10 நாட்கள் கூடுதல் அவகாசம் வழங்க உயர்கல்வித் துறை ஒப்புதல் அளித்துள்ளது. 

அண்ணா பல்கலைக்கழகத்தின் துணைவேந்தராக சூரப்பா கடந்த 2018-ஆம் ஆண்டு நியமனம் செய்யப்பட்டார். அண்ணா பல்கலைக்கழகத்தில் பணி நியமனம், பதவி உயர்வு வழங்குதல் உள்ளிட்ட பணிகளில் 200 கோடி ரூபாய் ஊழல் நடந்ததாக தமிழக உயர்கல்வித்துறைக்கு புகார்கள் அளிக்கப்பட்டது.

சூரப்பா மீதான ஊழல் குற்றச்சாட்டு குறித்து விசாரிக்க ஓய்வு பெற்ற நீதிபதி கலையரசன் தலைமையிலான ஆணையத்தை அமைத்து தமிழக அரசு உத்தரவிட்டது. சூரப்பா மீதான ஊழல் குற்றச்சாட்டை கலையரசன் தலைமையில் ஆணையம் விசாரணை நடத்தி வருகிறது.

துணைவேந்தர் சூரப்பா, அண்ணா பல்கலைக்கழக அதிகாரிகள், ஊழியர்கள், புகார்தாரர்கள் என்று அனைவரிடமும் விசாரணை நிறைவுபெற்றது. வழக்கு விசாரணை குறித்த அறிக்கையை சமர்ப்பிக்க கால அவகாசம் கோரி நீதியரசர் கலையரசன் தலைமையிலான குழு அரசுக்கு கடிதம் எழுதினார்.

அதில், இறுதிக்கட்ட அறிக்கையைத் தயார் செய்ய வேண்டியிருப்பதால் கூடுதல் அவகாசம் தேவைப்படுகிறது. இதனால், அறிக்கை சமர்ப்பிக்க 10 நாட்கள் அவகாசம் தேவை என்று கேட்டனர். இந்நிலையில், 10 நாட்கள் கூடுதல் அவகாசம் வழங்க உயர்கல்வித்துறை ஒப்புதல் அளித்துள்ளது.