நிறைவு பெறாத பாஜக-காங்கிரஸ் வேட்பாளர் பட்டியல்…! இன்று வெளியிடப்படுமா?

பாஜக மற்றும் காங்கிரஸ் எஞ்சியுள்ள வேட்பாளர் பட்டியலை இன்று அறிவிக்கும் என செய்திகள் வெளியாகியுள்ளது. 

தமிழக சட்டமன்ற தேர்தல் நெருங்கி வருவதை தொடர்ந்து,  திமுக, அதிமுக,மநீம, நாம் தமிழர் கட்சி, விசிக, மதிமுக மற்றும் பல கட்சிகள் வேட்பாளர் பட்டியலை அறிவித்து, வேட்புமனு தாக்கல் செய்து வருகின்றன. ஆனால், பாஜக மற்றும் காங்கிரஸ் போன்ற கட்சிகள் இன்னும், முழுமையாக தங்களது வேட்பாளர் பட்டியலை வெளியிடவில்லை.

இந்நிலையில், திமுக கூட்டணியில் உள்ள காங்கிரஸ் தான் போட்டியிடும் 25 தொகுதிகளில் 21 தொகுதிகளுக்கு மட்டுமே வேட்பாளர் பட்டியலை அறிவித்துள்ளது. பாரதிய ஜனதா கட்சி 20 தொகுதிகளில் 17 தொகுதிகளுக்கு மட்டுமே வேட்பாளரை அறிவித்துள்ளது. மீதமுள்ள 3 தொகுதிகளுக்கு வேட்பாளர் அறிவிக்கப்படவில்லை. இந்நிலையில், பாஜக மற்றும் காங்கிரஸ் எஞ்சியுள்ள வேட்பாளர் பட்டியலை இன்று அறிவிக்கும் என செய்திகள் வெளியாகியுள்ளது.