தமிழகத்தில் இன்று 4 தொகுதிகளுக்கு வாக்குப்பதிவு

தமிழகத்தில் மட்டும் 7-ஆம் கட்ட மக்களவை தேர்தலுடன் 4 தொகுதிகளுக்கான வாக்குப்பதிவு  நடைபெறுகிறது.

7-ஆம் கட்ட மக்களவை தேர்தல் இன்று  நடைபெறுகிறது.வரும் 23 ஆம் தேதி தேர்தல் முடிவுகள் வெளியாகிறது.

ஆனால் தமிழகத்தில் மட்டும் 7-ஆம் கட்ட மக்களவை தேர்தலுடன் 4 தொகுதிகளுக்கான இடைத்தேர்தல் நடைபெறுகிறது.தமிழகத்தில் அரவக்குறிச்சி, ஒட்டப்பிடாரம், சூலூர், திருப்பரங்குன்றம் ஆகிய 4 சட்டப்பேரவை தொகுதிகளில்  நடைபெறுகிறது.

மேலும் 13 இடங்களில் மறு வாக்குப்பதிவு நடைபெறுகிறது.தருமபுரியில் 8 வாக்குச் சாவடிகளிலும், தேனியில் 2 வாக்குச் சாவடிகளிலும், திருவள்ளூர், ஈரோடு, கடலூரில் ஒரு வாக்குச் சாவடி என மொத்தம் 13 வாக்குச் சாவடிகளில் மறுவாக்குப்பதிவு  நடைபெறுகிறது.