தமிழகத்தில் விஷ சாராய உயிரிழப்பு 21-ஆக உயர்வு! தமிழக அரசுக்கு நோட்டீஸ்!

death [Representative Image]

விஷச்சாராயத்தை குடித்த ஜம்பு, சங்கர் ஆகிய இருவரும் சிச்சை பலனின்றி உயிரிழப்பு.

தமிழகத்தில் விஷச்சாராயம் குடித்து உயிரிழந்தவர்களின் எண்ணிக்கை 21-ஆக உயர்ந்துள்ளது. இதில், செங்கல்பட்டில் சித்தாமூர் அருகே விஷச்சாராயம் குடித்து உயிரிழந்தோரின் எண்ணிக்கை 7-ஆக அதிகரித்துள்ளது. விஷச்சாராயத்தை குடித்த ஜம்பு, சங்கர் சிச்சை பலனின்றி செங்கல்பட்டு மருத்துவமனையில் உயிரிழந்தனர்.

விழுப்புரம் மாவட்டம் மரக்காணத்தில் இதுவரை 14 பேர் உயிரிழந்த நிலையில், செங்கல்பட்டில் 7 பேர் உயிரிழந்துள்ளனர். விஷச்சாராய மரணங்கள் தொடர்பாக விளக்கம் அளிக்க தமிழக அரசுக்கு தேசிய மனித உரிமை ஆணையம் நோட்டீஸ் அனுப்பியுள்ளது.

அதன்படி, இதுதொடர்பாக தமிழக அரசின் தலைமை செயலாளர் மற்றும் காவல்துறை இயக்குநர் 4 வாரத்தில் பதிலளிக்க நோட்டீஸ் அனுப்பியுள்ளது. மேலும், விஷச்சாராய உயிரிழப்புகள் தொடர்பாக மருத்துவ அறிக்கைகளை தாக்கல் செய்யவும் தேசிய மனித உரிமை ஆணையம் உத்தரவிட்டுள்ளது.