சீப்பை ஒளித்து வைத்தால் கல்யாணம் நடக்காது என எண்ணக்கூடாது – ஜெயக்குமார்

கொலை, கொள்ளை என்று சிங்கார சென்னையை சீர்கேடான சென்னையாக மாற்றி வருகிறார்கள் என ஜெயக்குமார் பேட்டி. 

அதிமுக முன்னாள் அமைச்சர்கள் எஸ்.பி.வேலுமணி மற்றும் சி.விஜயபாஸ்கர் ஆகியோர் மீது, அதிமுக ஆட்சியின் போது ஊழல் மற்றும் முறைகேடு செய்ததாக லஞ்ச ஒழிப்பு காவல் துறை அதிகாரிகள் வழக்குப்பதிவு செய்து, அவர்களுக்கு சொந்தமான 39 இடங்களில் சோதனை மேற்கொண்டு வருகின்றனர்.

இதுகுறித்து சென்னையில் பேட்டியளித்த முன்னாள் அமைச்சர் ஜெயக்குமார், மின்சார கட்டண உயர்வை எதிர்த்து இபிஎஸ் போராட்டம் அறிவித்தார்.எப்போதெல்லாம் அதிமுக போராட்டம் அறிவிக்கின்றார்களோ அப்பொழுதெல்லாம் திமுக ரெய்டு விடுகிறது.

சீப்பை ஒளித்து வைத்தால் கல்யாணம் நடக்காது என எண்ணக்கூடாது. கொலை, கொள்ளை என்று சிங்கார சென்னையை சீர்கேடான சென்னையாக மாற்றி வருகிறார்கள்; சொத்து வரி, மின் கட்டணம் போன்ற பல்வேறு பிரச்னைகளை பேச விடாமல் தடுக்கவே முன்னாள் அமைச்சர்கள் வீடுகளில் நடைபெறுகிறது இந்த ரெய்டு என தெரிவித்துள்ளார்.