பாஜக பழிவாங்க நினைத்தால் திமுகவின் போர்க்குணத்தை பார்ப்பீர்கள்..! எச்சரிக்கை விடுத்த உதயநிதி..!

தமிழகத்தின் மாநில நீதி கிடைக்கக்கூடிய உரிமைகள் பறிக்கப்பட்டாலோ திமுகவின் போர்க்குணம் கண்டிப்பாக வெளிவரும் என உதயநிதி ஸ்டாலின் பேச்சு. 

அண்ணா அறிவாலயத்தில் உள்ள  ‘திருவாரூர் முத்துவேல் கருணாநிதி என்னும் நான்’ என்ற நூல் வெளியீட்டு விழா நடைபெற்றது. இந்த விழாவில் உதயநிதி ஸ்டாலின் அவர்கள் நூலை வெளியிட. பள்ளிக்கல்வித்துறை அமைச்சர் அன்பின் மகேஷ் அவர்கள் பெற்றுக் கொண்டார்.

இந்த நிகழ்வில் உரையாற்றிய உதயநிதி ஸ்டாலின் அவர்கள், பெரியார், அண்ணா, கருணாநிதி மாடல்களின் கலவையாக தற்போது முதல்வர் மு.க.ஸ்டாலின் அவர்கள் திராவிட மாடல் ஆட்சியை நடத்தி வருகிறார். அதற்கு எதிர்க்கட்சியை சேர்ந்த பாஜகவினர் கருணாநிதியை விடவும் மு.க.ஸ்டாலின் ஆபத்தானவர் என்று கூறி ஒப்புதல் வழங்கியுள்ளனர். இது முதல்வருக்கு கிடைத்த பாராட்டு தான் என தெரிவித்துள்ளார்.

 திருவாரூர் முத்துவேல் கருணாநிதி என்னும் நான் என்ற நூலில் கலைஞரிடம் கேட்கப்பட்ட பல்வேறு கேள்வி மற்றும் பதில்கள்  இடம் பெற்றுள்ளன. அதில் முக்கியமான கேள்வியாக திமுகவின் போர் அடையாளமான போர்க்குண எதிர் அரசியலை இப்போது பார்க்க முடியவில்லை. இது தலைமுறை மாற்றத்தின் விளைவா? அல்லது காலமுறை ஓட்டத்தின் சிதைபா என்று செய்தியாளர் ஒருவர் கேள்வி எழுப்பினார்.

அதற்கு பதில் அளித்து உதயநிதி ஸ்டாலின் அவர்கள் மத்திய அரசால் பழிவாங்குதல் நடவடிக்கைகள் மேற்கொள்ளப்பட்டாலோ, தமிழகத்தின் மாநில நீதி கிடைக்கக்கூடிய உரிமைகள் பறிக்கப்பட்டாலோ திமுகவின் போர்க்குணம் கண்டிப்பாக வெளிவரும் என்று தெரிவித்துள்ளார்.