உண்மையிலேயே என்கிட்டே பணம் இல்லை…! கமலுக்கு பிக்பாஸ் போதும்…! – சீமான்

மனம் உள்ளவனும் வெல்லலாம். இல்லையென்றால் கேடுகெட்ட பணநாயகம் தான் வெல்லும். ஜனநாயகம் வெல்லாது. என்னிடம் பணம் இல்லை.

சென்னை திருவொற்றியூர் தொகுதியில் நாம் தமிழர் கட்சி ஒருங்கிணைப்பாளர் சீமான் வேட்புமனு தாக்கல் செய்தார். சீமான் தனது மனைவி மற்றும் குழந்தையுடன் சென்று, திருவொற்றியூர் மண்டல அலுவலகத்திற்கு சென்று, தேர்தல் நடத்தும் அதிகாரி தேவேந்திரனிடம் தனது வேட்புமனுவை தாக்கல் செய்தார்.

அதன்பின் செய்தியாளர்களை சந்தித்து பேசிய அவர்,  தேர்தல் வரைவு திட்டத்தை வெளியிடாததற்கு என்னிடம் பணம் இல்லாதது தான்  காரணம். பணம் உள்ளவன் தான் வெல்லலாம் என்ற நிலை மாற வேண்டும். மனம் உள்ளவனும் வெல்லலாம். இல்லையென்றால் கேடுகெட்ட பணநாயகம் தான் வெல்லும். ஜனநாயகம் வெல்லாது. என்னிடம் பணம் இல்லை. கமலுக்கு பிக்பாஸ் போதும். கமல் விமானத்தில் கூட பறக்கலாம் என்று தெரிவித்துள்ளார். வேட்புமனு தாக்கலை தொடர்ந்து, சீமான் அவர்கள் திருவொற்றியூர் பிரச்சாரம் மேற்கொள்ளவுள்ளார்.