#BREAKING: நான் யாரையும் புண்படுத்தியதில்லை; துரோகம் செய்ய நினைத்தவர்கள் வரவில்லை -வைகோ..!

நான் யாரையும் இதுவரையில் புண்படுத்தி அனுப்பியது கிடையாது என வைகோ தெரிவித்துள்ளார்.

மதிமுக பொதுக்குழு கூட்டத்திற்கு பின் செய்தியாளர்களிடம் பேசிய மதிமுக பொதுச்செயலாளர் வைகோ, நான் யாரையும் இழக்க விரும்பவில்லை. நான் யாரையும் இதுவரையில் புண்படுத்தி அனுப்பியது கிடையாது. கட்சி நிர்வாகிகளிடம் பேசியே இதுவரை முக்கிய முடிவுகளை எடுத்துள்ளேன். மதிமுக பொதுக்குழு கூட்டத்தில் சில மாவட்ட செயலாளர்கள் உள்ளிட்ட நிர்வாகிகள் பங்கேற்காத நிலையில் இதை தெரிவித்துள்ளார்.

துரோகம் செய்ய நினைத்தவர்கள் வரவில்லை:

மதிமுக கூட்டங்களில் சமீபகாலமாக பங்கேற்காத சில நிர்வாகிகள் தேர்தலுக்கு முன் அதிமுகவோடு கூட்டணி வைக்க சொன்னார்கள். திமுகவோடு புரிதலோடு ஐக்கியமாக இயங்கி வரும் சமயத்தில் குழப்பம் ஏற்படுத்த சிலர் முயற்சி செய்வதாக தெரிவித்தார். கட்சிக்கு துரோகம் செய்ய நினைத்தவர்கள், கட்டுப்பாட்டை மீறி செயல்பட்டவர்கள் தான் இன்றைய பொதுக்குழுவுக்கு வரவில்லை. என்னோடு இவ்வளவு காலம் பயணித்த சில நிர்வாகிகள் கடந்த இரண்டு ஆண்டுகளாக எந்த கூட்டத்திலும் பங்கேற்கவில்லை என கூறினார்.

இன்று வைகோ அவர்கள் தலைமையில் நடைபெற்ற மதிமுக பொதுக்குழு கூட்டத்தில், மதிமுக தலைமைக் கழக செயலாளராக துரை வைகோ ஒருமனதாக தேர்வு செய்யப்பட்டார் என்பது குறிப்பிடத்தக்கது.