யாரோ போஸ்டர் ஒட்டியதற்கு நான் பொறுப்பாக முடியாது-அமைச்சர் செங்கோட்டையன்
இன்று சென்னை ராயப்பேட்டை கட்சி தலைமையகத்தில் அதிமுக நிர்வாகிகள் கூட்டம் நடைபெற்றது.ஆலோசனை கூட்டத்தில் மாவட்ட செயலாளர்கள், எம்எல்ஏக்கள், எம்.பி.க்கள் உள்ளிட்டோர் பங்கேற்றனர்.ஒன்றரை மணி நேரத்திற்கு பின்பு அதிமுக நிர்வாகிகள் ஆலோசனை கூட்டம் முடிவடைந்தது.
அமைச்சர் செங்கோட்டையன் பொதுச்செயலாளராக வர வேண்டும் என விருப்பம் தெரிவித்து சிவகங்கை மாவட்டம் காரைக்குடியில் போஸ்டர் ஒட்டப்பட்டது.பெரும் பரபரப்பை ஏற்படுத்தியுள்ளது.
இந்நிலையில் போஸ்டர் தொடர்பாக பள்ளிக்கல்வித் துறை அமைச்சர் செங்கோட்டையன் கருத்து தெரிவித்துள்ளார்.அவர் பேசுகையில், யாரோ போஸ்டர் ஒட்டியதற்கு நான் பொறுப்பாக முடியாது. இறுதி மூச்சு இருக்கும் வரை முதல்வர், துணை முதல்வர் தலைமையில் செயல்பட்டு வரும் தலைமைக்கு நேர்மையாக இருப்பேன் என்று தெரிவித்துள்ளார்.
ஏற்கனவே அதிமுக பொதுச்செயலாளராக பதவியேற்க வாருங்கள் என எடப்பாடி பழனிசாமிக்கு அழைப்பு விடுத்து போஸ்டர் ஒட்டப்பட்டது பரபரப்பை ஏற்படுத்தியது குறிப்பிடத்தக்கது.
