நடுக்கடலில் கடும் மோதல்.! 17 மீனவர்கள் காயம்.!

நாகை மற்றும் வேதாரண்யம் அருகே கடலில் கீச்சாங்குப்பம் மீனவர்கள் 120 பேர் 2 விசைப்படகில் சுருக்குமடி வலைகளை பயன்படுத்தி மீன் பிடித்துக்கொண்டிருந்தனர். அப்போது மற்றோரு படகில் சென்ற வெள்ளப்பள்ளம் மீனவர்கள் அந்த படகை வழிமறித்து தடை செய்யப்பட்ட சுருக்குமடி வலைகளை பயன்படுத்தக்கூடாது என்று கூறியுள்ளனர். இதனால் இருதரப்பினருக்கும் இடையே கடும் மோதல் ஏற்பட்டது.

இதில் இரு கிராம மீனவர்களும் நடுக்கடலில் கற்கள், பாட்டில் மற்றும் படகுகளால் நேருக்கு நேர் மோதிக்கொண்டனர். இந்த மோதலால் 17 மீனவர்கள் காயமடைந்து மருத்துவமனையில் சிகிச்சை அளிக்கப்பட்டு வருகிறது. இதனிடையே நாகையில் தடை செய்யப்பட்ட இரட்டைமடி வலை மற்றும் சுருக்குமடி வலைகளை பயன்படுத்தி மீன் பிடிப்பதாக குற்றச்சாட்டு எழுந்த நிலையில், இதுபோன்று மோதல் நிகழ்ந்துள்ளது என்பது குறிப்பிடத்தக்கது.