அமுதா ஐஏஎஸ் அவர்களின் பணிசிறக்க மனமார்ந்த வாழ்த்துக்கள் – தமிழக முதல்வர்

அமுதா ஐஏஎஸ் அவர்களின் பணிசிறக்க வாழ்த்து தெரிவித்த முதல்வர் எடப்பாடி பழனிசாமி.

பல்வேறு  துறைகளில்  16 ஐ.ஏ.எஸ் அதிகாரிகள்  இணைச் செயலாளராக நியமிக்கப்பட்டுள்ளனர். மத்திய அமைச்சரவையின் நியமனக்குழு இதற்கான ஒப்புதலை அளித்துள்ள நிலையில், பிரதமர் அலுவலக இணை செயலாளர் பொறுப்பில் அமுதா நியமிக்கப்பட்டுள்ளார்.

இந்நிலையில், பிரதமர் அலுவலகத்தின் இணை செயலாளராக நியமிக்கப்பட்டுள்ள ஐ.ஏ.எஸ் அதிகாரி அமுதாவை தமிழக முதல்வர் எடப்பாடி பழனிசாமி வாழ்த்தியுள்ளார். ‘தனது நேர்மையாலும், திறமையாலும் அரசின் நன் மதிப்பையும் மக்களின் அன்பையும் பெற்ற அமுதா ஐ.ஏ.எஸ் அவர்கள் பிரதமர் அலுவலகத்தின் இணை செயலாளராக நியமிக்கப்பட்டுள்ளது மகிழ்ச்சி அளிக்கிறது. அவரது பணி சிறக்க வாழ்த்துக்கள்.’ என தெரிவித்துள்ளார்.