தேர்வர்களே!! குரூப் 2, 2ஏ தேர்வுகளுக்கான ஹால் டிக்கெட் வெளியீடு!

சென்னை :  தமிழ்நாடு அரசு பணியாளர் தேர்வாணையம் டி.என்.பி.எஸ்.சி நடத்தும் குரூப் 2, குரூப் 2 ஏ முதல்நிலைத் தேர்வுகள் வரும் 14ம் தேதி நடைபெற இருக்கிறது. 2,327 பணியிடங்களை நிரப்புவதற்கான குரூப் 2 தேர்வுக்கு 7.93 லட்சம் பேர் விண்ணப்பித்துள்ளனர்.

செப்டம்பர் 14ம் தேதி நடைபெற உள்ள நிலையில், தேர்வுக்கான ஹால் டிக்கெட் தற்பொழுது  இணையதளத்தில் வெளியிடப்பட்டுள்ளது.

தேர்வர்கள் தங்களது ஹால் டிக்கெட்டுகளை http://tnpsc.gov.in மற்றும் http://tnpscexams.in என்ற இணைய தளங்கள் மூலம் பதிவிறக்கம் செய்து கொள்ளலாம்.

இந்த தேர்வுக்கு 7 லட்சத்து 93 ஆயிரத்து 962 தேர்வர்கள் அனுமதிக்கப்பட்டுள்ளனர். 38 மாவட்டத்தில் 215 தாலுகா தேர்வு நடைபெறும், சென்னையில் மட்டும் 2763 தேர்வு மையங்கள் அமைக்கப்பட்டுள்ளது.

குறிப்பு : இந்த தேர்வுகளில் முறைகேடில் ஈடுபட்டால் மூன்று ஆண்டுகள் தேர்வு எழுத அனுமதிக்கப்பட மாட்டார்கள் என டி.என்.பி.எஸ்.சி அறிவித்துள்ளது.

அதன்படி, சான்றிதழ்களில் திருத்தங்கள், சேதங்களை ஏற்படுத்துதல், போலியாக சமர்ப்பித்தால் குற்றவியல் நடவடிக்கை எடுக்கப்படும் என கூறியுள்ளது.