எனக்கு வழிகாட்டி, எனது சிறந்த ஆசிரியர் கலைஞர் – குஷ்பூ ட்விட்..!

மிக முக்கியமாக, எனக்கு வழிகாட்டி, எனது சிறந்த ஆசிரியர் டாக்டர் கலைஞர் என நடிகை குஷ்பூ தெரிவித்துள்ளார்.

நடிகை குஷ்பூ ஆரம்பத்தில் திமுகவில் இருந்து பின்னர் காங்கிரஸ் கட்சி மாறி காங்கிரஸ் செய்தி தொடர்பாளராக இருந்தார். இதைத்தொடர்ந்து, கடந்த ஆண்டு பாஜகவில் குஷ்பூ இணைந்தார்.  சமீபத்தில் தமிழகத்தில் நடைபெற்ற சட்டமன்ற தேர்தலில் குஷ்பூ ஆயிரம் விளக்கு தொகுதியில் பாஜக சார்பில் போட்டியிட்டு தோல்வியை தழுவினார்.

தற்போது பாஜகவில் சில பொறுப்பு வகித்து வருகிறார். இந்நிலையில், இன்று ஆசிரியர்கள் தினத்தையொட்டி தனது ட்விட்டரில் குஷ்பூ ” மிக முக்கியமாக, எனக்கு வழிகாட்டி, எனது சிறந்த ஆசிரியர் டாக்டர் கலைஞர் அவர்கள் எனக்கு அரசியல் என்பது வெறுப்பும், காழ்ப்புணர்ச்சியும் அல்ல,  நம்பிக்கையும், சேவையும் என கற்றுக்கொடுத்ததற்கு நன்றி சொல்ல வேண்டும் என்று பதிவிட்டுள்ளார்.

Most importantly I must thank my mentor, my great teacher #DrKalaignar Avl for teaching me politics is not about hate or despair, but hope and service. ????????????????

— KhushbuSundar (@khushsundar) September 5, 2021