பசுமை நல்கை திட்டம் தொடக்கம்! கடல்நீரை குடிநீராக்கும் நிலையத்துக்கு அடிக்கல் நாட்டினார் முதல்வர்!

முதலமைச்சரின் பசுமை நல்கை திட்டத்தை தொடங்கி வைத்தார் முதலமைச்சர் மு.க. ஸ்டாலின். சென்னை தலைமை செயலகத்தில் சுற்றுசூழல் மற்றும் காலநிலை மாற்றம் துறை சார்பில் பசுமை நல்கை திட்டத்தை தொடங்கி வைத்தார். சுற்றுசூழலை பாதுகாக்கும் நோக்கில் பசுமை நல்கை திட்டம் செயல்படுத்தப்படுகிறது. சுற்றுசூழல் தொடர்பான செயல்பாடுகளில் இளைஞர்களை ஈர்க்க இந்த திட்டம் செயப்படுத்தப்படும்.

காலநிலை மாற்றம் குறித்து விழிப்புணர்வை பரப்ப, இயற்கையை பாதுகாக்க பசுமை நல்கை திட்டம் தொடங்கப்பட்டுள்ளது. மேலும். கழிவு மேலாண்மை, சதுப்பு நில உருவாக்கம் ஆகியவற்றை மேற்கொள்ள பசுமை தோழர்கள் 40 பேர் தேர்வு செய்யப்பட்டுள்ளனர்.

இதுபோன்று செங்கல்பட்டு மாவட்டம் பேரூரில் கடல்நீரை குடிநீராக்கும் நிலையத்துக்கு முதலமைச்சர் மு.க. ஸ்டாலின் அடிக்கல் நாட்டினார். கிழக்கு கடற்கரை சாலையில் பேரூரில் ரூ.4276.44 கோடி மதிப்பீட்டில் கடல்நீரை குடிநீராக்கும் நிலையம் அமைக்கப்படுகிறது. ஜப்பான் பன்னாட்டு கூட்டுறவு முகமை நிதியுதவியுடன் நாள் ஒன்றுக்கு 400 மில்லியன் லிட்டர் உற்பத்தி திறன் கொண்ட கடல்நீரை குடிநீராக்கும் நிலையம் அமைக்கப்படுகிறது.