நீட் தேர்வால் அரசு பள்ளி மாணவர்கள் மருத்துவராகலாம் – அண்ணாமலை

நீட் தேர்வால் அரசு பள்ளி மாணவர்களும் மருத்துவராகலாம் என்று அண்ணாமலை தெரிவித்துள்ளார்.

முந்தைய அதிமுக ஆட்சியின் போது, மருத்துவப் படிப்பில் அரசு பள்ளி மாணவர்களுக்கு 7.5% இடஒதுக்கீடு வழங்கும் வகையில் சட்டம் இயற்றப்பட்டது.  இந்த சட்டத்தை எதிர்த்தும், அரசு உதவி பெறும் தனியார் பள்ளி மாணவர்களுக்கும் இந்த இட ஒதுக்கீட்டை வழங்கக் கோரியும் சென்னை உயர்நீதிமன்றத்தில் வழக்குகள் தொடரப்பட்டன. இந்த வழக்குகளை தலைமை நீதிபதி மற்றும் நீதிபதி பரத சக்கரவர்த்தி ஆகியோர் அடங்கிய அமர்வு முன்பு விசாரணைக்கு வந்தது.

இந்த வழக்குகளை விசாரித்த நீதிபதிகள் அரசுப் பள்ளி மாணவர்களுக்கு 7.5% இட ஒதுக்கீடு வழங்கிய சட்டம் செல்லும் எனத் தீர்ப்பளித்தனர். இதற்கு தமிழக முதல்வர் மு.க.ஸ்டாலின் உள்ளிட்ட தலைவர்கள் வரவேற்பு தெரிவித்திருந்த நிலையில், பாஜக தலை அண்ணாமலை அவர்களும் வரவேற்பு தெரிவித்துள்ளார். மேலும், நீட் தேர்வால் அரசு பள்ளி மாணவர்களும் மருத்துவராகலாம் என்று தெரிவித்துள்ளார்.