அரசு பள்ளி மாணவர்களுக்கு ஆன்லைனில் இலவச நீட் பயிற்சி.!

அரசு பள்ளி மாணவர்களுக்கான ஆன்லைனில் நீட் பயிற்சி ஜூன் 15-ல் தொடங்குகிறது என்று தமிழக அரசு உத்தரவிட்டுள்ளது.

தமிழகத்தில் அரசு மற்றும் அரசு உதவிபெறும் பள்ளி மாணவர்களுக்கு நீட் தேர்வுக்காக இணைவழியில் இலவச நீட் பயிற்சி ஜூன் 15 ஆம் தேதியில் இருந்து தொடங்குகிறது என்று தமிழக அரசு உத்தரவு பிறப்பித்துள்ளது. தனியார் நிறுவனம் மூலம் 4 மணி நேரம் பயிற்சி வகுப்பு என்றும் 4 மணி நேரம் பயிற்சி தேர்வு என இணையவழி வகுப்பு நடத்தப்படும் என்று அறிவித்துள்ளது.

மேலும், நீட் தேர்வுக்கு விண்ணப்பித்த அரசு மற்றும் அரசு உதவிபெறும் மாணவர்களுக்கு விவரங்களை தெரிவிக்குமாறு முதன்மை கல்வி அலுவலர்களுக்கு தமிழக அரசு உத்தரவிட்டுள்ளது. ஜூன் 15 முதல் வகுப்புகள் தொடங்கும் நிலையில், இணையவழியில் மாணவர்கள் பதிவுசெய்ய ஏற்பாடு செய்யப்பட்டுள்ளது.