திமுக முன்னாள் எம்.எல்.ஏ நைனா முகம்மது மாரடைப்பால் இன்று காலமானார்.!
தென்காசி மாவட்டம் திமுக முன்னாள் எம்.எல்.ஏ நைனா முகம்மது மாரடைப்பால் இன்று உயிரிழந்தார்.
தென்காசியில் கடையநல்லூர் தொகுதியில் 1996-ம் ஆண்டு நடைபெற்ற தேர்தலில் திமுக சார்பில் போட்டியிட்டு வெற்றி பெற்று சட்டமன்றத் தொகுதி உறுப்பினராக இருந்தார் நயினா முகமது. பின்னர்ட் 2001-ம் ஆண்டு திமுக சார்பில் மீண்டும் போட்டியிட வாய்ப்பு அளிக்காததால் திமுகவிலிருந்து விலகி அதிமுகவில் இணைந்தார். இதனையடுத்து, 17 ஆண்டுகள் அதிமுகவின் மாவட்ட சிறுபான்மை பிரிவு மற்றும் எம்ஜிஆர் இளைஞர் அணி இணைச் செயலாளர் ஆகிய பொறுப்புகளை நயினா முகமது வகித்து வந்தார்.
தேசிய குடியுரிமை சட்ட திருத்த மசோதாவை நிறைவேற்ற அதிமுக அரசு ஆதரவு அளித்ததால், கடந்த 2019ஆம் ஆண்டு அதிமுகவில் இருந்து வெளியேறினார். இந்த நிலையில், இன்று அதிகாலை நெஞ்சுவலி ஏற்பட்டுள்ளது. இதன் காரணமாக தென்காசி அரசு மருத்துவமனையில் அனுமதிக்கப்பட்டு, அதன்பின் திருநெல்வேலி தனியார் மருத்துவமனைக்கு அழைத்து சென்றபோது மாரடைப்பால் உயிரிழந்தார். தற்போது, அவருக்கு அரசியல் கட்சி தலைவர்கள் இரங்கல் தெரிவித்து வருகின்றனர்.
