முன்னாள் அதிமுக அமைச்சர் எம்.ஆர்.விஜயபாஸ்கரின் கார் கண்ணாடி உடைப்பு.!

முன்னாள் அதிமுக அமைச்சர் விஜயபாஸ்கர் திண்டுக்கல் மாவட்டம் வேடசந்தூர் அருகே கரூர் தேசிய நெடுஞ்சாலையில் வந்துகொண்டிருக்கையில் சிலர் அவரது கார் கண்ணாடி உடைக்கப்பட்டுள்ளது.  

கரூர் ஊராட்சி குழு துணைத்தலைவர் பதவிக்கு போட்டியிடும் திருவிக என்பவரை அழைத்துக்கொண்டு, முன்னாள் அதிமுக அமைச்சர் எம்.ஆர்.விஜயபாஸ்கர் இன்று திண்டுக்கல் மாவட்டம் வேடசந்தூர் அருகே கரூர் தேசிய நெடுஞ்சாலையில் வந்துகொண்டிருந்தார்.

கரூர் மாவட்ட ஊராட்சியில் உள்ள 12 இடங்களில் திமுக 6 உறுப்பினர்களையும், அதிமுக 6 உறுப்பினர்களையும் கொண்டுள்ளது. அதனால்  துணை தலைவர் பதவிக்கு அதிமுக சார்பில் போட்டியிடும் திருவிகவை மதுரையில் வைத்திருந்து, இன்று மதியம் 2மணிக்குள் கரூருக்கு நேரில் வரவேண்டும் என்ற சமயத்தில் தான் இன்று விஜயபாஸ்கருடன் திருமா வந்துள்ளார்.

அப்போது வேடசந்தூர் அருகே கரூர் தேசிய நெடுஞ்சாலையில் வந்துகொண்டிருக்கையில், காரில் வந்த சிலர் விஜயபாஸ்கர் காரை வழிமறித்து, கண்ணாடி உடைத்துள்ளனர். மேலும், திருவிகவை கட்த்தி சென்றதாகவும் கூறப்படுகிறது. இதனை அடுத்து, கரூர் மாவட்ட ஆட்சியர் அலுவலத்தில் அதிமுகவினர் குவிந்துள்ளதால் அங்கு பரபரப்பான சூழல் நிலவி வருகிறது.