அந்தமானுக்கு 4 நாட்கள் (நவம்பர் 15-18) விமான சேவை ரத்து!

அந்தமானுக்கு நவம்பர் 15 முதல் 18 வரை 4 நாட்கள் சென்னையில் இருந்து செல்லும் விமான சேவை ரத்து.

அந்தமானுக்கு 4 நாட்கள் (நவம்பர் 15-18) விமான சேவை ரத்து செய்யப்பட்டுள்ளது. ஓடுபாதை பராமரிப்பு பணி காரணமாக சென்னையில் இருந்து செல்லும் விமானங்கள் ரத்து செய்யப்பட்டுள்ளதாக அறிவிப்பு வெளியாகியுள்ளது.

சென்னை மீனம்பாக்கம் விமான நிலையத்தில் இருந்து அந்தமானுக்கு நாள்தோறும் 5 முதல் 7 விமானங்கள் வரை இயக்கப்பட்டு வருகின்றன. அந்தமான் சுற்றுலா தலமாக இருப்பதால் பயணிகள் பெருமளவில் அந்தமானுக்கு சென்று வருகின்றனர்.

இந்த சமயத்தில் கடந்த 1 முதல் 4-ம் தேதி வரை அந்தமானில் நிலவிய மோசமான வானிலை மற்றும் அந்தமான் விமான நிலையத்தில் நடந்த பராமரிப்பு பணிகள் காரணமாக அந்தமான் விமான போக்குவரத்து முழுவதுமாக நிறுத்தப்பட்டது.

இந்த நிலையில், தற்போது இரண்டாவது முறையாக மீண்டும் ஓடுபாதை பராமரிப்பு பணி நடந்து வருவது காரணமாக அந்தமானுக்கு நவம்பர் 15 முதல் 18 வரை 4 நாட்கள் சென்னையில் இருந்து செல்லும் விமான சேவை ரத்து செய்யப்பட்டுள்ளது. மீண்டும் 19-ம் தேதியில் இருந்து அந்தமானுக்கு சென்னையில் இருந்து விமான சேவைகள் தொடங்கும் என தெரிவித்து உள்ளன என்பது குறிப்பிடத்தக்கது.