10 ஆண்டுகளுக்கு பிறகு முதல் உத்தரவு.! இலங்கையில் இருந்து விடுவிக்கப்படவுள்ள தமிழக படகுகள்.!

இலங்கை மீன்வளத்துறை கட்டுப்பாட்டில் இருந்த 2 படகுகளை விடுவிக்க கோரி இலங்கை கடற்படைக்கு திரிகோணமலை நீதிமன்றம் உத்தரவிட்டுள்ளது. 

இலங்கை கடற்படையால் அவ்வப்போது தமிழக மீனவர்கள் கைது செய்யப்படுவதும் படகுகள் பறிமுதல் செய்யபவடுவதும் வழக்காமான ஒன்றாகவே மாறிப்போனது. இரு நாட்டு அளவிலும் அதற்க்கு நிரந்தர தீர்வு வேண்டும் என தமிழக அரசு பல்வேறு நடவடிக்கைகளை வலியுறுத்தி வருகிறது.

இலங்கை கடற்படையால் நாகையை சேர்ந்த சுப்ரமணி மற்றும் காரைக்காலை சேர்ந்த செல்வராஜ் ஆகியோரது படகுகள் சிறைபடிக்கப்பட்டு இலங்கை கடற்படை கட்டுப்பாட்டில் இருந்தன.

இதனை மீட்டுத்தரகோரி படகு உரிமையாளர்கள் திரிகோணமலை நீதிமன்றத்தில் கோரிக்கை வைத்து இருந்தனர். இந்த கோரிக்கையை ஏற்று, மீன்வளத்துறை கட்டுப்பாட்டில் இருந்த படகுகளை விடுவிக்க கோரி இலங்கை கடற்படைக்கு நீதிமன்றம் உத்தரவிட்டுள்ளது.

கடந்த 10 ஆண்டுகளில் இலங்கை ராணுவத்தால் சிறைபிடிக்கப்பட்ட தமிழக படகு விடுவிக்கப்பட உள்ளது இதுவே முதல் முறை என தகவல் வெளியாகியுள்ளது.