கடுப்பான கொள்ளையர்கள் !வீட்டில் நகை, பணம் கிடைக்காத அதிருப்தியில் வீட்டிற்கு தீ!

வீட்டில் நகை, பணம் கிடைக்காத அதிருப்தியில் சிவகங்கை மாவட்டம் தேவகோட்டையில் வீட்டிற்குள் புகுந்து திருட முயற்சித்த மர்மநபர்கள்,  தீவைத்து விட்டு தப்பிச் சென்றனர்.

தேவகோட்டை ராம்நகரை சேர்ந்த பாலசுப்பிரமணியம் என்பவர் குடும்பத்துடன் வெளியூர் சென்றிருந்தார். இதனால் இவரது வீட்டில் கொள்ளை அடிக்க திட்டமிட்ட மர்மநபர்கள், நேற்றிரவு வீட்டின் பூட்டை உடைத்து உள்ளே நுழைந்து பீரோவில் நகை, பணத்தை தேடியுள்ளனர்.

ஆனால் எதுவும் கிடைக்காத நிலையில் ஆத்திரம் அடைந்த கொள்ளையர்கள் தீ வைத்து விட்டு தப்பினர். வீட்டிற்குள் இருந்து புகை வருவதை கண்ட மக்கள், தீயணைப்பு துறையினர் உதவியுடன் தீயை அணைத்தனர். இதுகுறித்து தேவகோட்டை போலீசார் வழக்குபதிவு செய்து, விசாரணை நடத்தி வருகின்றனர்.

மேலும் செய்திகளுக்கு தினச்சுவடுடன் இணைந்திருங்கள்.