தந்தை, மகன் கொலை… இறுதி கட்டத்தில் சாத்தான்குளம் வழக்கு – சிபிஐ

சாத்தான் குளம் தந்தை – மகன் படுகொலை வழக்கில் சிறையில் உள்ள ஆய்வாளர் ஸ்ரீதரின் ஜாமின் மனுவுக்கு சிபிஐ எதிர்ப்பு.

சாத்தான்குளம் தந்தை, மகன் கொலை வழக்கு இறுதி கட்டத்தை எட்டியுள்ளதாக உயர்நீதிமன்ற மதுரை கிளையில் சிபிஐ தகவல் தெரிவித்துள்ளது. கடந்த அதிமுக ஆட்சியில் சாத்தான்குளம் காவல்நிலையத்தில் தந்தை, மகன் சித்தரவதை செய்யப்பட்டு கொலை செய்யப்பட்டதாக புகார் எழுந்தது. இதையடுத்து இதுதொடர்பாக வழக்குப்பதிவு செய்தும், குற்றச்சாட்டப்பட்டவர்களை கைது செய்தும் காவல்துறை தொடர் விசாரணை மேற்கொண்டு வருகிறது.

ஜாமீன் மனுக்கு எதிர்ப்பு:

இந்த நிலையில், சாத்தான்குளம் இரட்டை கொலை வழக்கில் கைதாகி சிறையில் உள்ள காவல் ஆய்வாளர் ஸ்ரீதருக்கு ஜாமீன் வழங்க உயர்நீதிமன்றம் மதுரையில் கிளையில் சிபிஐ எதிர்ப்பு தெரிவித்தது. கொலை வழக்கில் கைதாகி சிறையில் காவல் ஆய்வாளர் ஸ்ரீதரின் ஜாமீன் கோரி மனு தாக்கல் செய்திருந்தார்.

சிபிஐ வாதம்:

இந்த மனு மீதான விசாரணையில், குற்றம் சாட்டப்பட்டவர்கள் போலீஸ் என்பதால் சாட்சிகளை கலைக்க பல வழிகளை கையாளுவார்கள், பல சாட்சிகள் காவல்துறை சார்ந்து இருப்பதால் மிரட்டப்பட்டு கலைக்கப்படுவார்கள், எனவே அவருக்கு ஜாமீன் வழங்கக்கூடாது என சிபிஐ வாதம் முன்வைத்துள்ளது.

சிபிஐ புகார்:

மேலும் சிபிஐ கூறுகையில், இன்னும் 6 சாட்சியங்களை மட்டுமே விசாரணையை நடத்த வேண்டியுள்ளது. குற்றச்சாட்டப்பட்டவர்கள் வழக்கை இழுத்தடிக்கும் நோக்கில் செயல்படுகின்றனர். குறுக்கு விசாரணை என்ற பெயரில் 4 மாதங்களாக விசாரணையை தாமதமாக்கி வருவதாகவும் புகார் கூறியுள்ளது.

வழக்கு ஒத்திவைப்பு:

இதனால் ஒரு சாட்சியை விசாரிப்பதற்கு ஏறக்குறைய ஓன்றரை மாதம் அவதாகவும் சிபிஐ விளக்கமளித்துள்ளது. குற்றச்சாட்டப்பட்டவர்கள் போலீஸ் என்பதால் சாட்சியங்களை கலைக்க பல்வேறு வழிகள் உள்ளன. இதனால் குற்றச்சாட்டப்பட்டோருக்கு ஜாமீன் வழங்க கூடாது எனவும் கூறியுள்ளது. சிபிஐ வாதங்களை தொடர்ந்து காவல் ஆய்வாளர் ஸ்ரீதரின் ஜாமீன் மனுக்கு மீதான விசாரணையை ஏப்ரல் 24ம் தேதிக்கு ஒத்திவைத்து உயர்நீதிமன்றம் கிளை.