உதவி ஆய்வாளரை காலில் சுட்ட பிரபல ரவுடி சிடி மணி!

Default Image

தனிப்படை போலீசாரால் நள்ளிரவில் சுற்றி வளைத்து கைது செய்யப்பட்ட பிரபல ரவுடி சிடி மணி தனிப்படை உதவி ஆய்வாளரை காலில் சுட்டுள்ளார்.

சென்னை தேனாம்பேட்டையை சேர்ந்த பிரபல ரவுடி தான் சிடி மணி. இவர் மீது  ஏற்கனவே கொலை, கொள்ளை, ஆள்கடத்தல், வழிப்பறி உள்ளிட்ட 30-க்கும் மேற்பட்ட வழக்குகள் நிலுவையில் உள்ள நிலையில், சில வழக்குகளுக்காக இவர் குண்டர் சட்டத்தின் கீழ் சிறை தண்டனையும் பெற்றுள்ளார். இந்நிலையில் புழல் சிறையில் இருந்து அண்மையில் ஜாமினில் வெளிவந்த சிடி மணி தலைமறைவாகி விட்டதாக போலீசார் தனிப்படை அமைத்து தேடி வந்துள்ளனர்.

இதனையடுத்து சென்னை அடுத்த நாவலூரில் பதுங்கியிருந்த சிடி மணியை இன்று நள்ளிரவு போலீசார் கைது செய்து ரகசிய இடத்தில் வைத்து விசாரணை நடத்தி வந்த வருகின்றனர். அப்பொழுது சிடி மணியை பிடிக்க சென்ற தனிப்படை உதவி ஆய்வாளர் பாலகிருஷ்ணனை சிடி மணி காலில் சுட்டுள்ளார். இதில் படுகாயமடைந்த உதவி ஆய்வாளர் சென்னை ராஜிவ் காந்தி அரசு மருத்துவமனையில் சிகிச்சைக்காக அனுமதிக்கப்பட்டுள்ளார். மேலும், இந்த சம்பவத்தின் போது சிடி மணியும் காயமடைந்துள்ளதாக கூறப்படுகிறது, தற்பொழுது இது குறித்து சிடி மணியிடம் தீவிர விசாரணை நடத்தப்பட்டு வருகிறது.

Follow us

Whatsapp Google News Youtube Facebook Facebook X (formerly Twitter) Twitter Instagram Instagram

லேட்டஸ்ட் செய்திகள்

tamil live news 2
suseenthiran
BJP WIN
IND vs ENG 2nd ODI cricket match
V. C. Chandhirakumar win
rohit sharma Kevin Pietersen