கேளிக்கை வரி விலக்கு – நீதிமன்றம் உத்தரவு

புதுச்சேரி அரசின் உத்தரவை எதிர்த்து பட விநியோக நிறுவனம் தாக்கல் செய்த வழக்கில் சென்னை உயர்நீதிமன்றம் உத்தரவு.

தமிழில் பெயர் வைத்தால் மட்டுமே படத்திற்கு கேளிக்கை வரி விலக்கு அளிக்கும்படி உரிமை கோர முடியாது என உயர் நீதிமன்றம்  தெரிவித்துள்ளது. நடிகர் விக்ரமின் ‘ஐ’ படத்திற்கு கேளிக்கை வரி விலக்கு அளிக்க மறுத்த புதுச்சேரி அரசின் உத்தரவை எதிர்த்து பட விநியோக நிறுவனம் மனு தாக்கல் செய்திருந்தது.

ஐ என்பது தமிழ் எழுத்ததாக இருந்தாலும், அர்த்தம் தரக்கூடிய வார்த்தை இல்லை என்பதால் கேளிக்கை வரி விலக்கு அளிக்கவில்லை என புதுச்சேரி அரசு தெரிவித்துள்ளது. எனவே, தமிழில் பெயர் வைத்தால் மட்டுமே படத்திற்கு கேளிக்கை வரி விலக்கு அளிக்க உரிமை கோர முடியாது என உயர்நீதிமன்றம் கூறியுள்ளது.