இபிஎஸ்-ம் ஓபிஎஸ்-ம் அதிமுகவின் இரு கண்களாக உள்ளனர் – பொன்னையன்

இபிஎஸ்-ம் ஓபிஎஸ்-ம் அதிமுகவின் இரு கண்களாக உள்ளனர் என பொன்னையன்  தெரிவித்துள்ளார்.

முன்னாள் நாடாளுமன்ற துணை சபாநாயகர் தம்பிதுரை மகள் திருமண விழா இன்று சேலத்தில் நடைபெற்றது. இதில் அதிமுக ஒருங்கிணைப்பாளர் ஓபிஎஸ் மற்றும் இணை ஒருங்கிணைப்பாளர் இபிஎஸ் ஆகியோர் திருமண விழாவை தலைமையேற்று நடத்தினர.

இதில் மாநிலங்களவை உறுப்பினரும் அதிமுக கொள்கை பரப்பு செயலாளருமான  முன்னாள் அமைச்சர் பொன்னையன் செய்தியாளர்களை சந்தித்து பேசினார். அப்போது பேசிய அவர் சசிகலாவை ஒருபோதும் அதிமுகவிற்குள் அனுமதிக்க மாட்டோம். அதிமுகவின் அடிப்படை உறுப்பினராக கூட சசிகலா கிடையாது. ஜெயலலிதா இருக்கும்போதே சசிகலாவை அவரது குடும்பத்தினர் வீட்டில் இருந்து ஒதுக்கி வைத்ததாகவும் அதிமுக உட்கட்சித் தேர்தல் சட்ட விதிகளின்படி நடைபெறும் என்றும் தெரிவித்தார்.

மேலும், இபிஎஸ்-ஓபிஎஸ் இருவரும் அதிமுக இரு கண்களாக உள்ளன. அதிமுகவின் கண்ணும் இமையும் போல இரட்டை தலைமை செயல்பட்டு வருகிறது என்று தெரிவித்தார்.