முதல்வர் பதவியில் அமர்வதை விட கோவில் கருவறையில் நுழைவதே பெரிய வெற்றி – திருமாவளவன்

முதல்வர் பதவியில் அமர்வதை விட கோவில் கருவறையில் நுழைவதே பெரிய வெற்றி என திருமாவளவன் பேச்சு. 

ஆசிரியர் கீ.வீரமணியின் 90வது பிறந்தநாள் கொண்டாட்ட விழாவில் திருமாவளவன் அவர்கள் கலந்து கொண்டு உரையாற்றினார்.

அப்போது பேசிய அவர், கலைஞர் காலத்தில் நிறைவேறாத கனவாக இருந்தவற்றை இன்று நிறைவேற்றிக் கொண்டு இருக்கிறார். தமிழ்நாட்டில் ஏறத்தாழ 48,000-க்கும் மேற்பட்ட கோவில்கள் இருக்கிறது. இந்த 48,000 கோவில்களிலும் கோவிலுக்கு ஒரு அர்ச்சகரை நியமித்தால் 48 ஆயிரம் அர்ச்சகர்கள் கோவிலின் கருவறைக்குள் நுழையும் வாய்ப்பு கிடைக்கும்.

7,000 ஆண்டு கால போராட்டத்தின் வெற்றி என்பது அங்கே தான் அடங்கி இருக்கிறது. பல்கலைக்கழகத்தில் அடியெடுத்து வைப்பதை விட, துணைவேந்தராவதை விட, முதல்வர் பதவியில் அமர்வதை விட கோவில் கருவறையில் நுழைவதே பெரிய வெற்றி என தெரிவித்துள்ளார்.