திமுக எம்பி ஜெகத்ரட்சகன் வீட்டில் அமலாக்கத்துறை விசாரணை..!

enforcement-directorate

திமுக எம்பி ஜெகத்ரட்சகன் வீடு மற்றும் அவரது உறவினர்கள் வீடுகளில், நேற்று முன்தினம் சுமார் 40-க்கும் மேற்பட்ட இடங்களில் இந்த சோதனை நடைபெற்றது. வருமானத்துக்கு அதிகமாக சொத்து சேர்த்ததாகவும், நிலக்கரி சுரங்க முறைகேட்டில் ஈடுபட்டதாகவும் புகார் எழுந்த நிலையில் இந்த சோதனை 3-வது நாளாக நடைபெற்று வருகிறது.

அரக்கோணம் மக்களவை தொகுதி திமுக எம்பி ஜெகத்ரட்சகன் வீடு, அலுலவகம், கல்லூரி, அவரது நண்பர்கள், உறவினர்கள் வீடுகள் என பல்வேறு இடங்களில் 3-ஆவது நாளாக இன்றும் வருமான வரித்துறை சோதனை நடைபெற்று வருகிறது.

திமுக எம்பி ஜெகத்ரட்சகன் மற்றும் அவரது உறவினர்கள் வீடுகளில் 3-ஆவது நாளாக இன்றும் வருமான வரித்துறை சோதனை நடைபெற்று வரும் நிலையில், அமலாக்கத்துறை அதிகாரிகளும் திமுக எம்பி ஜெகத்ரட்சகன் வீட்டில் விசாரணையில் ஈடுபட்டுள்ளனர்.

முன்னதாக கடந்த 2020-ல் சட்ட விரோத பணப்பரிமாற்றம் தொடர்பாக ஜெகத்ரட்சகன் வீடு மற்றும் அவருக்குச் சொந்தமான இடங்களில் அமலாக்கத்துறை சோதனை நடத்தியது. இந்த சோதனையை தொடர்ந்து அவரது சொத்துக்கள் முடக்கப்பட்டது குறிப்பிடத்தக்கது.