முட்டை விலை 10 காசுகள் உயர்வு.!

நாமக்கல் மண்டலத்தில் நேற்றைய முட்டை கொள்முதல் விலை ரூ.4.40 லிருந்து 10 காசுகள் உயர்ந்து ரூ.4.50 ஆக நிர்ணயம்.

கொரோனா வைரஸ் பரவல் ஏற்பட்ட துவக்கத்தில் அதிகளவில் சரிவை கண்ட வியாபாரம் என்றால் அது முட்டை வியாபாரம் தான். கிட்டத்தட்ட 1 ரூபாய்க்கும் கீழ் குறைந்து முட்டை விற்பனை செய்யப்பட்டது. அதற்கு பிறகு முட்டை விலை ஏற்றம் மற்றும் இறக்கத்தை கண்டு வருகிறது.

இந்நிலையில், நாமக்கல்லில் நடைபெற்ற தேசிய முட்டை ஒருங்கிணைப்பு குழுக் கூட்டத்தில் முட்டை ஒன்றின் பண்ணை கொள்முதல் விலையை 10 காசுகள் உயர்த்த முடிவு செய்தனர். அதன்படி, முட்டை விலை ரூ.4.40- லிருந்து 10 காசுகள் உயர்ந்து ரூ.4.50 ஆக விலை நிர்ணயம் செய்யப்பட்டுள்ளது. சென்னையில் ரூ.5.00-க்கு விற்பனை செய்யப்படுகிறது.