சேலத்தில் உள்ள அம்மா உணவகங்களில் முட்டை இலவசம்

கொரோனா  வைரஸ் பரவுவதை தடுக்க நாடு முழுவதும் ஊரடங்கு உத்தரவு பிறப்பிக்கப்பட்டது .எனவே தான் முதலமைச்சர் பழனிசாமி உத்தரவு பிறப்பிக்கப்பட்ட நிலையில் ,  அம்மா உணவகங்கள் வழக்கம் போல் செயல்பட்டு வருகிறது.

அனைத்து அம்மா உணவகங்களிலும் காலையில் இட்லி, மதியம்  சாம்பார் சாதம், தக்காளி சாதம் , தயிர் சாதம் வழங்கப்பட்டு வருகிறது.இந்நிலையில் இன்று  முதல் மாநகராட்சிக்குட்பட்ட 4 மண்டலங்களிலுள்ள 11 அம்மா உணவகங்களிலும், மதிய வேளை உணவுடன் சேர்த்து விலையில்லா முட்டை ஒன்று வழங்கப்படும் என்று அறிவிக்கப்பட்டுள்ளது.இதனால் ஆதரவற்றவர்கள் மற்றும் வயதானவர்கள் பயனடைவார்கள் என்று தெரிவிக்கப்பட்டுள்ளது.