தொடர் கனமழை : பெரம்பலூர், அரியலூரில் பள்ளிகளுக்கு மட்டும் விடுமுறை.! 

சென்னை : தமிழகத்தில் வடகிழக்கு பருவமழை தொடங்கி ஆங்காங்கே மழை பெய்து வருகிறது. அதேநேரம், வங்கக்கடலில் உருவான புதிய காற்றழுத்த தாழ்வு பகுதி காரணமாக சென்னை மற்றும் அதன் சுற்று வட்டார மாவட்டங்கள்,  தமிழக கடலோர பகுதிகளில் பரவலாக கனமழை பெய்து வருகிறது.

தொடர் கனமழை பெய்து வருவதன் காரணமாக குறிப்பிட்ட மாவட்டங்களில் பள்ளி கல்லூரிகளுக்கு விடுமுறையும், சில மாவட்டங்களில் பள்ளிகளுக்கு மட்டும் விடுமுறையும் அறிவிக்கப்பட்டு வருகிறது. ஏற்கனவே மயிலாடுதுறை மாவட்டத்தில் பள்ளி கல்லூரிகளுக்கு விடுமுறை அளிக்கப்பட்டு இருந்தது. அதேபோல் கடலூர் மாவட்டத்தில் பள்ளிகளுக்கு மட்டும் விடுமுறை அளிக்கப்பட்டு இருந்தது.

தற்போது, தொடர் கனமழை காரணமாக, பெரம்பலூர் மற்றும் அரியலூர் மாவட்டங்களில் உள்ள பள்ளிகளுக்கு மட்டும் விடுமுறை அளித்து மாவட்ட நிர்வாகம் அறிவிப்பு வெளியிட்டுள்ளது.இதேபோல், புதுச்சேரி மாநிலம் காரைக்காலிலும் கனமழை காரணாமாக பள்ளி கல்லூரிகளுக்கு விடுமுறை அளிக்கப்பட்டுள்ளது.