படித்தோம், வேலைக்கு போனோம், என்று இருக்காதீர்கள்! மாணவர்களுக்கு ஸ்டாலின் அறிவுறுத்தல்.!

படித்தோம், வேலைக்கு போனோம், சம்பாதித்தோம் என்று இருக்காதீர்கள், என மாணவர்களுக்கு மு.க. ஸ்டாலின் அறிவுறுத்தியுள்ளார்.

சென்னை நேரு உள்விளையாட்டு அரங்கத்தில், நடைபெற்ற கலைத் திருவிழாவில் மாநில அளவில் வெற்றிபெற்ற மாணவர்களுக்கு பரிசளிக்கும் விழா மற்றும் அரசுப்பள்ளி மாணவர்களின் கலைத்திறனை வெளிப்படுத்தும் விழா ஆகியவை அரங்கேறியது. இந்த விழாவில் பங்குபெற்ற முதலமைச்சர் மு.க. ஸ்டாலின், மாணவர்களிடம் உரையாற்றினார்.

அவர் உரையாற்றியதாவது, படித்து முடித்து வேலைக்கு சென்றோம், கை நிறைய சம்பாதித்தோம், திருமணம் முடித்தோம் என்று முடித்துவிடாமல் கலைத்தொண்டையும் சேர்த்து வளர்த்துக்கொள்ளுங்கள். உங்களது அறிவை விரிவுபடுத்தி கலை அறிவாக, கல்வி அறிவாக, பகுத்தறிவாகவும் வளர்க்க வேண்டும் என மாணவர்களுக்கு அறிவுறுத்தியுள்ளார்.