விமான டிக்கெட் கட்டணம் பல மடங்கு உயர்வு… கடும் அதிர்ச்சியில் பயணிகள்.!!

உள்நாட்டு விமான டிக்கெட் கட்டணம் பல மடங்கு உயர்ந்துள்ளதால் பயணிகள் கடும் அதிர்ச்சியில் உள்ளனர். 

நாளை ரம்ஜான் பண்டிகையை முன்னிட்டு விடுமுறையை ஒட்டி ஏராளமானோர் வெளியூர் செல்வதால் சென்னை விமான உள்நாட்டு நிலையத்தில் கூட்டம் அலைமோதியுள்ளது. பலரும் விமானத்தில் வெளியூர் செல்வதற்காக டிக்கெட்களை பதிவு செய்து வருகிறார்கள்.

இந்நிலையில், ரம்ஜான் பண்டிகையை முன்னிட்டு சென்னையிலிருந்து தூத்துக்குடி, மதுரை, திருச்சி கோவை செல்லும் விமானங்களில் டிக்கெட் கட்டணம் பல மடங்கு தற்போது உயர்த்தப்பட்டுள்ளது.

அதன்படி, சென்னை  தூத்துக்குடிக்கு வழக்கமான டிக்கெட் கட்டணம் ரூ. 3,675. தற்போது ரூ.11,000 முதல் ரூ.14,000 வரை உயர்ந்துள்ளது. டிக்கெட் கட்டணம் பல மடங்கு உயர்ந்துள்ளதால் பயணிகள் கடும் அதிர்ச்சியில் உள்ளனர்.